هذه القصيده كتبتها تضامنا ً لنصرة المصطفى عليه افضل الصلاة والتسليم واتمنى ان تحوز على رضاكم

	عن نصرة الرسول (صلى الله عليه وسلم) لآ متى حب الكراسي والمناصب والتجارهْْ..........لامـتـى يحفـاد ابـو بكـر وعـمـر متخـاذلـين لآ متى نصبر وكل ٍ في القضيه له قـراره..........واحــدٍ رايــه شمـال وواحــد ٍ رايــه يمـين لآ متى حب المصالح شاغل ٍفكر الـوزاره..........تعبـدون الكرسي اللي تحـرسه مليون عين والعدوّ اظهر علينا في الميادين اقـتـداره..........دنس القدس الشريف ودمر ارض الرافدين كيف ضيعتوا بحب الذات للمسـلم وقـاره..........لين حسلان البشر تهزاء بسيد المـرسلـين سيد ابن ادم شفيع العبد في يوم انعثااره..........مخرج الامه من الظلمات الي النور المبين والله ان الروح لو تفديه ماراحت خساره..........دامـها في جنـة الفردوس شف الصالحين قاطعوهم قاتلوهم يا عـرب لو بالـعـبـاره..........وارفعوا كف الدعاء وادعو عليهم كل حين العدا تبطش بنا وانتم على بعض الشطاره..........بين سنه بين شيعه مـن يـدان ومـن يـدين مثل بغداد الجريحه يوم هدتهـا المـغـاره..........الخنازير استراحت والعـرب متـنـاحـرين والله انا في نظرهم من حقاره في حقاره..........لين نوقف صف واحد في وجـوه الشامتين ثم نسقيهم مرار الذل من جوف الغضاره..........اللي اسقونا بها في القدس من عـدة سنـين ياعرب يا مسلمين المصطفى رد اعتباره ..........ما هـو بكلمـه تجي عـبر الصحـافه مرتين نصرته من نصرة الله وافهموها بالاشاره........لانصـرنا الله فـلا غـالب لـنـا يـا مسلمـين يالله انصرنا وناخذ للنبي المختار ثـاره..........نصر من عندك مؤزر وانت خير الناصرين والختام افضل صلاه على نبي ٍ بالبشاره..........جاء ونورالحق يسطـع من وجـانه والجـين

	الرد من الشاعر القبيسي1 يا طويل العمر كوكبنا تغير من مساره = المسار اللي توسمناه فوق العـالمـين اثرت فيه البروده مااثرت فيه الحراره = شوف عينك مفطرين وشوف عينك صايمين راكبين فوق بعض,,واقفين في الاشاره = لا تقـل متطمــنيـن ولا تـقــل متخـوفـيـن ناس في الصندوق معزوله وناس(ن)في الغماره = واحنا من زود التلاحم في الكنب متحاشرين حنا حنا,, عش ليومك والفرج طال انتظاره = مرة(ن) متأهلين,, ومرة(ن) متعـزبـين انت تنخى مين يا عبدالله؟؟ انت اش فيك شاره؟؟ = كيف تشرهنا وحنا نفسنا متشارهين؟؟ انلطمنا (بالشـباشب) وانحذفنا بالحجاره = واشترينا الرث واعطينا خصومتنا السمين ناس تفِرقنا عصى القاضي وتجمعنا السجاره = احنا مظلومين لكنا لك الله ظالمين كيف تبغانا نقاطع واحنا في شلة غجارة = غجرة التاجر على غجرة قلوب الميتين جملة اذيال الفشل,, حنا نجرجرها جراره = لاحرارة دم صناها,, ولا موية جبين كيف تبغانا نقاطع جبن(بوك)ودهن ساره = كيف تبغـانـا نقاطعهـم وحنـا عاجزين لا تقل شد الجمل لكن قل شد الحماره = العرب والمسلمين اليوم يا شين الهجين سمها منا حقاره,,سمها منا قذاره = وش تسمينا وهـم فـيـنا لـك الله عابثـين والله ان الذل يا عمي بنينا له عماره = سار حنا والمذله والخنـا,, متجاورين الرسول المصطفى ما هوب في حاجة غثاره = الرسول المصطفى زكاه ربك يالعوين يا عسى عقب الرسوم تقب للحرب الشراره = يا عسى تشفى قلوب المسلمين العاكفين

__________________

لآ متى حـب المصـالح شـاغـل ٍفـكـر الـوزاره
تعبـدون الـكـرسي اللي تحـرسـه مليون عـين

-------------------

بيض الله وجهك وجمل حالك على هذه القصيده الرائعه

يكفي انها تحمل تحمل عنوان نصرة حبيبنا المصطفى

بااارك الله فيك وتقبل مروري

__________________


رمــضــان وداعـــا





معاد باقي في الزمن غير الوداع

__________________