هذه محاوره دارت بيني وبين شاعر قديرمن ال شغيب يدعى (موزار) اتمنى تحوز على رضاكم
البدع / الشغيبي
مرحبا واهلين بك يا موزار
شاعر ٍ له في المعاني بحور
لا رمى للصيد سهم وشهاب
ما يصيد الا صيود ٍ سماني
يرمي الاهـداف ويصيبهـا
الرد / موزار
البـقـالـك ياحـبـيـب الـمــزار
عـد مـن يهـدي بـيـوم النـحـور
نوفـي المطلـق مـجـي وذهــاب
وان دعا الداعي و ( ب ) اسمي سماني
نـنـشـد العـلـيـا ونوصيـبـهـا
البدع /الشغيبي
عوم واغطس في بطون البحار
هات لول ان كان شفت المحور
وان قطعت البيد رافق ذيـاب
ماعليك من السلق والحصاني
تختفي لامـن عـوى ذيبهـا
الرد/ موزار
للمعانـي عندنـا قلـب حـار
مانغنـي للطـرب والنـحـور
رفقتـي بـوزيـد ولا ذيــاب
واحتزم بالسيف واسرج حصاني
والقفـار اقطـع عواذيبـهـا
البدع / الشغيبي
لابدا نجم الجدي واستدار
مابدت حوله نجوم ٍ تدور
والسيوف اللي تجز الرقاب
مانرى معنى عدو ٍ وجاني
للسيوف اللي نماري بهـا
الرد / موزار
الفلك في لفتـه والمـدار
يسري الساري بضي البدور
ياعبـدالله ونعـم ياعقـاب
لو رجاك الدون ولارجانـي
جنبه وارفع معالـي بهـا
البدع /الشغيبي
ما اتلفت في كلام الصغـار
غير انا حامي ودمي يفـور
يوم شفت الشر يضحك بناب
قلت بدمح زلة ٍ من خواني
من كرم نفسي ومن طيبهـا
الرد/ موزار
يالله ارفعنا عن اهل الصغار
والله لاياجي بهرج النفـور
ماقصدنا الشر يابو الشباب
قصدنا نرفع صروح المعاني
والرديـة والله مـا طيبهـا
البدع / الشغيبي
نرفع البيضاء لمثلك شعـار
ما حصل ياذيب منك القصور
من ترجى الله بخير الثوااب
يحسن النيات في كل شانـي
والله اللي عالمـن غيبهـا
الرد/ موزار
نرتقي بالقاف فكـر وشعـار
مثل شعار مضوا في العصور
اعطوا المعنى نقـي الثيـاب
خاب من يفرح بنشر المشاني
يدفـن الزينـة ويلغيبـهـا
البدع / الشغيبي
من يجي بكره يشوف النهار
والعمس يجلاه نور السفور
لا رعد رعاد مزن السحاب
شل سيله زرعهم والمباااني
سيل ما يحسـب عواقيبهـا
الرد / موزار
شرعة الله ثابتـه ماتهـار
عوذبالله من دعاة السفور
يجلبون العار مشي وسحاب
يالله لاتهب لهم حظ بانـي
وايـة الكرسـي بنرقيبهـا
البدع / الشغيبي
مصدر الفتنه جبل قندهااار
واهله اللي زعّمو بن شرور
قالوا انه عايشن باضطراب
كل يوم من المصايب يعاني
والمساجد ما يصلـي بهـا
الرد / موزار
عمت الفتنة بسر وجهار
وامة الاسلام لاقت كدور
والحقايق عايمة كالسراب
واليهود افنوا نفوس ومباني
شبوا الفتنة ونصلى بها
البدع / الشغيبي
العرب لاهين والذيب غار
ما يحب الا سمان وجبور
في هلاليه كساها الحجاب
والقوافي تشتكي ظلم جاني
لجل ما يشقر مشاعيبها
الرد/ موزار
قلت الامطار والماي غار
بعد ما كنا نعيش الحبور
يوم كنا نفتخر بالحجاب
حاربوا الامة بشتى المجاني
والسموم اعمت مشاعيبها
البدع / الشغيبي
سعد من يلجـم هـواه ويجـار
من زمان الفحش واهل الفجور
زادت العـله وزاد الـخـراب
بعد هم الدش جا النت ثاني
والعرب كثرة عذار يبـهـــا
مشاركة بواسطة:
محاوره مع شاعر شغيبي
العرض العادي
