البــــــدع/الشغيبي

ياسلام الله على الشعر واللي ينشدون

البحور السبع في غبها مـا يغـطسون

لا بدا رمي البنادق سحب نفسه وجامل

ما معه قلب ٍ يواصل نزال المعـركه

ـــــــــــــــــــــــــ


الرد/ أبو فيصل:

ذاك فارس خيل مقدام ياللي ينشدون

مدرسه للشعر شُعّار عنده يدرسون

لالفاه الضيف يذبح خيار العيس جامل

ذا كلام الصدق ما ظن عقلك يدركه

ــــــــــــــــــــــــــــــــــ


البـــــــــــدع / الشغيبي


وش مصير الفارس ان قابله سيل المزون

والمدرس وش مصيره مع درس الجنوون

شفت راع الددسـن اللي مهـوي بالـفـرامل

لا وقـف ما يشـتغـل لـين واحــد يشركه


ـــــــــــــــــــــــــــــــــــ

رد أبو فيصل:

أعرف اللي مالعرب يهمزون ويلمزون

والمزارع بعد هبد المطر ظلت جنون

أترك الحرب التي تجعل النسوه أرامل

ينتقم ربي من اللي كفر به واشركه


ــــــــــــــــــــــــــــــــــــ

البــــــدع / الشغيبي

يا بوفيصل شوف كيف العداء يتكاتـفـون

صابني من فعل لانجاس في غزه غـبـون

والعرب والمسلمين امرهم في راس هامل

جيشهم مافـاد كـثره ولافـيـه ابـركـــه

ــــــــــــــــــــــــــــــــــــــــــــــ


رد أبو فيصل:

أدعي الله يكشف أمر اليهود ويتلفون

ودهم بالكـيد للـمـسـلـمـين ويرغبـون

ربنا يجعل نهاية شرورالناس شامـل

وانتقم من بوش يارب شله وأبـركه


ـــــــــــــــــــــــــــــــــــــ


البــــــــدع / الشغيبي


كن ما معنى مشاعر ولا معنــــى عيون

ليش يا أحفاد خالد وحمزه تخـضـعـون

مسلمين من الخنازير نسوتهـم حوامل

اليهودي دنس العرض والدم اسفـكه

ــــــــــــــــــــــــــــــــــــــ


رد أبو فيصل:

خالطين السُّم بالمر مع نعنـاع يـون

اليهود إخوان لامريكيه يتراضعون

إحمل المعنى على كل ما تبغي حوامل

عابث ٍ بالكهربه لا تقل ما سفّكه

ـــــــــــــــــــــــــــــــــ

البـــــدع / الشغيبي


الله اكبر يوم شافوا محمد يرشقون

جسمه الضامربنيرانهم ويركزون

يحضن الوالد ويشر عليهم بالانامل

والعدو يعلن تحديه يوم(ن)اهلكه


محمد= محمد الدره


ــــــــــــــــــــــــــــــــــــ


رد أبو فيصل:

قالوا مصاص الدمى للدمى هم يعشقون

ماخذين أعلى المراتب بها يتمركزون

والذي ديدنه أنا في كلامه مالأنا..مل

ما سلم من وقت قاسي ويومنّه الكه


__________________



البـــــدع / الشغيبي


جعل حبل الله من الشر لك ســتر ٍ وصـــون

شاعر ٍ فوق المشاريف له قصر وحصون

غيرذا شــرواك رجـــال ونعــم ما نـزامـل

لابنى لـه قـصر بالــدر طــوبه وابـلكـه


ــــــــــــــــــــــــــــــــــــــــــــ



رد أبو فيصل:

مسكن الصقرالنوايف ولا هو بالغصون

والأسد والنمر والذيب ما هي كالحصون

الذي مثلك شجيع ٍ ولا ريناه خامل

يلتقي له خير في كل درب ٍ يسلكه


__________________



البــــــدع /الشغيبي


ربعي ابني شهر عند اللقـا ماينثنون

والقبـايـل والنّعـم كلهــا منهـم ودون

من فعول اجدادهم ذا شجيع وذاك صامل

هم بروس الجيش لا حل وقت الدربكه



ـــــــــــــــــــــــــــــــــــــــــ


رد أبو فيصل:

الحديد الصلب بيـد الملحّم ينـثـنـون

عشت ياراس ٍ صليبٍ وراس ٍ ديندون

للشجاعه ناس ولها مواقيف وعوامل

والشجيع أعرفه ما كل شي ٍ يربكه


__________________


البـــــدع /الشغيبي


لو كثير الناس ياصاحبي يتحلمـون

الاصايل تتعب اللي وراها يبلطوون

الصور ما عاد تحتاج تحميض المعامل

واضحه من غير تزوير والا فبركــه


ـــــــــــــــــــــــــــــــــــــــ



رد أبو فيصل:

ناس وقت المزح ما يغضبون ويحلمون

رحّبوا بضيوفهم يدخلون ويقلطـون

قدّموا بن ٍ وهيل ٍوفي صفر المعامل

لو يجي للضيف قرص ٍ ففيه الفبركه


__________________


البــــــــدع / الشغيبي


مرحبا بك عند من بالجزايل يكرمون

نكرم الضيف الذي ما درينا من يكون

في قبايل تستحق المدايح قلت ما مل

لا دريت اسخر القاف مدح ٍ واحبكه


ـــــــــــــــــــــــــــــــــــــ


رد أبو فيصل:

في جنان الخلد لا يمرضون ويهرمون

حكمة الخلاق لا قـال شي ٍ كن يـكون

والله يشفي كل جسم ٍ مريض ٍ بالدمامل

المرض يبكي منه صاحبه ما يضحكه


__________________



البـــــدع / الشغيبي


عشت يا شعب التباسي على ترس البطون

ناس في وصف الخطاء وانتقاده يفلحون

كيف يعمل ذا غدا البطن كنه بطن حامل

ما معه غير السواليف والا البكبكه


ـــــــــــــــــــــــــــــــــــــــ


رد أبو فيصل:

ريت بعض الناس في ظلمة ٍ يتخبطون

كل يوم وليل درب الخطا له يفلحون

لا تقل ظالم لهم لا تقلي ياتحـامـل

لكن يامكثر عيال الدلع والشكشكه

__________________


البـــــــدع / الشغيبي


راعي النيه فهمها على سوء الظنون

ناس في درب المشاره بقصد يزحلقون

آمل انك ترفع الراس يابـوفيصـل آمل

من يخالف شرع لجواد بسوط اسلكه


ــــــــــــــــــــــــــــــــــ


رد أبو فيصل:

مكبر الفرق الذي بين طيب وغيظ نون

والشباب اليوم لشعورهم ما يحلقون

ياتهوي ما كل ما قلت لي هو علم كامل

وادري إنك تقصد اليوم شعب المملكه


ــــــــــــــــــــــــــــــــــــ


البـــــدع /الشغيبي


يالله اجعلنا من اهل التقى والمحسنون

واغفرالـزله لنا حن عبـاد مقـصرون

يابو فيصل علمنا مثل براق الهوامل

لا دعى وبل الرفايا بليله محلكه

__________________