احـلام ورديـه وامـانـي غـلابـه=غرد بها في هاجس الفكـر عصفـور
بنيـت لـي منهـا قصـور ٍ تشـابـه=ما مثلهـا عمّـر ولا بنيـت اقصـور
احيان تهد يـنـي لقصر الخطابه=واحيان تجنح بي على قصـر دكتـور
باب الامل للنفس ما انصك بابه=مادام شمس المعرفه للامل نور
ثوب المعالي كل حلم ٍ زهابه=وانا مع الاحلام عايش ومسرور
واليوم يا دنيا العنا والغرابه=الحلم مات وتحت الاقدام مقبور
قتله واقع مجتمع حـد نابـه=هدم قوايـم مابنيتـه مـن الـدور
هذا زمان القبيله والعصـابه=والواسطه يافلان تلعب مية دور
مرت ثلاث اعوام هم وكآبه=واللي يمر بحالتي شخص معذور
قلـت اتوظـف مثل كل النجابه=في العسكريه واتـزوج علـى الفـور
واساعـد الشايـب واخفـف عـذابـه=احسن يضيع العمر عاطـل ومقهور
حكم القدر يفرض علينا صوابه=في صفحة الايــام للعبــد سيـّـور
قالـوا تـرى كـل ٍ يلاقـي عقـابـه=في العسكريه وانـت عبـد ٍ و مامـور
والـرأي مالـك رأي تـم اغتصابـه=تمشي علـى ماقيـل يالـوح مجبـور
واعلم ترى الضابـط يقـدس جنابـه=اثبـت وحيـه كـل مامـر مشكـور
اعطوه سيـف علـى الاوادم سطابـه=يسطي لو انه بـاول الوقـت معقـور
راتـب وسيـاره نـظـام اعتنـابـه=وانت الضعيف اللي على الشوك مجرور
تلبس مـن اصنـاف المذلـه عصابـه=واحذر تقول انك من الغبن مضرور
والا تكمـل فـي جـزاك وتجابـه=من قبـل لا كـل ٍ يجازيـك بالـدور
هـذا خطـر يمنـع عليـك اقتـرابـه=رفع التكلّف فـي القوانيـن محضـور
ان لـم تكـن ذيبـا ً كلتـك الذيـابـه=غمض عيونك بالنظر خلهـا عـور
جيـت المدير وقلـت مـا ينحكابـه=رحب وهلابي على الرحـب بسـرور
قـال الذي بالعلم يفني شبـابـه=يتعب وبعـد الجهـد محصولـه تمـور
كـل ٍ علـى قـده يفـصـل ثيـابـه=واهم شي لك ثـوب والجسـم مستـور
قلـت الثـواب وقـال كـل ٍ ثـوابـه=الراتب اللـي قبـل يوصلـك منثـور
يا ناس هـذا الـذل ماحـد ٍ رضابـه=والله نهى عـن ذل الانسـان والجـور
قانـون هتلرفـي الجزيـره طغابـه=والكل يعـرف عنـه ظالم ومسعـور
امـا الضويبـط مـا حسبنـا حسابـه=لو مد عينـه عـود الشـوف مكسـور
والراس شامـخ فـوق هـام السحابـه=واللـي يخـاف الله موفـق ومنصـور
اعشق وطنـا حيـل واعشـق ترابـه=وارخص حياتي لجـل ديـره ود ستـور