كل ما زولـك علـى بالـي خطـر=ثـارت الذكـرى علـى نهرالدمـوع
وانحدر من حجـر عينـي وانهمـر=نهر يجري مـن براكيـن الضلـوع
من يعيش الحـب يضنيـه الهجـر=والمواصل بلسـم القلـب الجـزوع
دارت ايامي علـى جفـن السهـر=من غروب الشمس الي وقت الطلوع
مامعـي غيـر التوجـد والصبـر=والامل تضـوي دياجيـره شمـوع
ياربيع العمرعشـت اجمـل عمـر=ليت عذبات الليالـي فـي رجـوع
انت ِ مثل البدر فـي نـص الشهـر=لا تجلى البدر فـي عـز السطـوع
ماهوى قلبـي سـواك مـن البشـر=ولا سواك اللي له الخافـق يطـوع
لو صدفني ريـم غضيـت النظـر=لو يصفون العـذارى لـي جمـوع
لك حديد الشـوف ولغيـرك شجـر=عن جميع الغيد انا شوفي قـنـوع
يا هوى المجروح يـا ريـم الخبـر=يا عديل الروح يـا زيـن الطبـوع
جت بنـا الصدفـه وفرقنـا القـدر=والقدر نرضى بحكمه في خضـوع
مشاركة بواسطة:
ريم الخبر
العرض العادي
