يامليك الملك حنا في رجـاك=عن جميع ذنوبنا تغفـر لنـا
يا سميع ويا مجيب اللي دعاك=الي طريق الخيـر يالله دلنـا
لا غنى يارب معنا الاغنـاك=يا اله الكون غيرك مـن لنـا
نرتجي عفوك ونتمنى رضاك=بيحنا من كـل ذنـب وحلنـا
يا كريم ٍ ما تحدد في عطـاك=من عطا رحمتك يالله جدلنـا
يا جليل ويا عظيم ٍ في سماك= اكفنى من كل شر وجلـّنـا
ما ترجينا ولا نطلب سـواك=تحت رحمتك العظيمـه كلنـا
لا متى يا نفس يعجبنا هـواك=والهوى عن كل خيره ظلنـا
ارفعي فوق الثريـا مستـواك=من يبينا في السمـا يوصلنـا
الوطى ماهو بطبعك وش بلاك=الوطى ماهـو لنـا ومحلنـا
خلي اصحابه عساهـم للهلاك=شلنا يا عقـل عنهـم شلنـا
دام بامر الله موثوقه خطـاك=والقدم عن كـل زلـه تلنـا
والله انه مايحرك لك حراك=كل جاهل لـو بجهلـه علنـا