سـلام بالصـوت الهجينـي نزوعـه = سلام لاصحـاب الشيـم والمعاريـف
سلام من نفس(ن) شفـوق وقنوعـه = ما تألـف الا بيـن ناس(ن)مواليـف
للديره اللـي كلهـا اذن(ن) سموعـه = للي يخابرها مـن الحفـر وطريـف
يقولـه اللـي زاد شوقـه ولـوعـه = شوق , ووله ما هو مجرد سواليـف
اللي يشيـل الحـب داخـل ضلوعـه = لدياره اللي مـا وساهـا تواصيـف
نفسي لغيـرك يـا ديـاري جزوعـه = غيرك ,,,,لك الله ما عليها محاسيـف
اسبوع مـن سبتـه ليامـا ربوعـه = اكتب نتاج الذاكـره فـي مظاريـف
القلب مركـز,, والجـوارح فروعـه = والعين بحر وفـي ديـاري مجاديـف
يا دار من يشنـاك بقعـاء تصوعـه = جعله طـام(ن) للسبـاع المهاتيـف
انتي فقط,, قلبـي يجيلـك بطوعـه = ويجـي لغيـرك بالعنـا والتكاليـف
ان كان في ساحـل تهامه,,شفوعـه = وان كان في راس النوايف ,,مشاريف
وان كان صوب اهل البـدواه نفوعـه = وان كان في ضاحي تنومه ,,متاريف
لا والله الا انتي علـى الكل,,روعـه = مشيوفة(ن) والكل لولاك مـا شيـف