قهوة مبروووك ....... الفحمه !!!!

10-01-2008, 04:07 PM

مراحب جميعااا

مساءكم فل ورياحين

فكرة الموضوع :

محاولة لفتح باب وحث لقريحة الاعضاء في رسم المواقف الكوميدية والضاحكة
ومجاراة الاحداث الراهنه والمولية .. والامساك بيد النجر ورسم الواقع
حسب المزاج اذا كان خاثر ( روب -زبادي )
يستحب قبل عملية الكتابة
1- ربط الشماغ ( تلطم - تلثم )
2-تكون حافي .
3- مقرط ( عاض ) طرف ثوبك
4- حاط رجلك ( مطلق سيقانك الى الريح )
5- لابس نظارات كاريرا للتموية .. ويفضل تكون شاريها من دكان ( بقالة ) عبدو

وصف المكان :
قهوة مبروك

تعريف بالمكان وصاحبه :

مبروك : أربعيني أسود اللون صاحب قهوة على الطراز القديم ..
مهدلي : صبي القهوة والقائم بتقديم الطلبات للزبائن .

قهوة من ايام الستينات ..
تقدم ( البيبسي ) والشاي ( حراقي )
تبدأ عملية الطلب بمجرد دخول الزبون الباب
وتنتهي بكلمة مبروك : وين الحساب
ورد الزبائن المعتاد : سجل على الدفتر ..

" حثني بعض الاخوة على وضع هذا الموضوع .. والكلام له .. بيني وبينكم لساني يحكني ابي اسولف "

جميع الحقوق محفوظه لمسلسل ( درب الزلق )
ثاني رف على اليمين ..
قبل افلام هولك هوغن ..
تلقاه عليه طبعه خضراء مكتوب عليهاا
(( كشته ))
ولون الشريط سماوي ( رصاصي )

...
..

بانتظار اول زوار قهوة مبروك
..
.

مبروك : الحساب
محمد : سجل على الدفتر ..

..

..

10-01-2008, 04:36 PM

ماني مصدقه

الكاتب الكبير محمد عبدالله هنا

الله يحييك والله يبييك والف هلا وغلا

وافرشووو في الدرب للزائر حرير

ارررحب ترليون في منتداك وانا اختك يعلم الله

هالقهووه لازاااالت ذكراها في بالي

تثبيت باطناب من ذهب وننتظر الحلقات منك

يامبدع ياحكواتي

13-01-2008, 12:37 AM

اقتباس:

المشاركة الأصلية كتبت بواسطة نغم

ماني مصدقه

الكاتب الكبير محمد عبدالله هنا

الله يحييك والله يبييك والف هلا وغلا

وافرشووو في الدرب للزائر حرير

ارررحب ترليون في منتداك وانا اختك يعلم الله

هالقهووه لازاااالت ذكراها في بالي

تثبيت باطناب من ذهب وننتظر الحلقات منك

يامبدع ياحكواتي

الأخت الكريمة نغم

هذا الترحيب جعل الخجل يتملكني فهذا كرم منك لا قدرة لي على رده ..

يبدو انه سبق لك المرور على هذه القهوة التراثية التي اعتبرها ماضي جميل نتوق للعودة له حتى لو ان التكرار قد يصيب البعض بالملل .. ولكن اسمحوا لهذا الشيخ الهرم بان يمارس ثرثرته وحكاياته التي لا يمل من ترديدها ..

لك من الود اكثره ومن الشكر أجزله فلا شكر يفي هذا الترحيب حقه

13-01-2008, 01:03 AM

الحلقة الأولى

بطولة :
طلال - أبو سلسلة - نزار يسعدو
---------------------

وفي اثناء خروج .محمد من القهوه وهو يتمتم (( ع الحساب ع الحساب وبتخنقه العبره )

مهدلي..... يجرّه من شماغه ويقول .. (( أي ع الحساب يبو ....صار لك ثلاث اشهر وانت تقول ع الحساب هو راتبكم متى ؟؟!!!!!

محمد ... يرحم والديك فكّني .. ماعاد الا شوي واهلّ العبره .. لا تذكرني بالراتب

مهدلي .... افاااااا ليش ؟؟ عسى ما خلاف

محمد ... ابد مافي شي .. وخّر عني الحين ... معي ريال تبيه ..؟؟

مهدلي .... ريال .!! وفرحان ..؟؟ اقول هاك هذا ريال من عندي على ريالك ولا عاد اشوفك توطوط هنا

محمد .... الاّ بوطوط وستين اوطوط

مهدلي ... بغضب شديد يا عمي مبرووووووك ..

مبروك ..... جاي مسررررع .. خير وش فيكم ؟

مهدلي ... هذا الزبون يا عمي يقول انه ما بيدفع الحساب .. ويقول بعد ان القهوه باللي فيها ما تسوى ريال

محمد ... قسم بالله قسم بالله ما قلت هالكلام

مبروك... صار كذا يا محمد لك ثلاثه اشهر شاهي وقهوه قهوه وشاهي واخرتها انا ما اسوى ريال ..؟.. ايييييه هين .... يااااا صبي .. عطني الخيزرانه

محمد .....قسسسسس ممممم باللللللله ممممماااا قلللت طاااااااااااخ دججااااااااااااجج طرااااااااااااااااااخ طققاااااااااااااااااق

في هذه الاثناء .. يتدخل لفضّ الاشتباك ثلاثه اشخاص كانوا يمرّون بالمصادفه من امام القهوه .. وهم :

طلال.............دكتوراه في الأدب الانجليزي
ابو سلسله ...سواق تريله
نزار يسعدو .....طالب

ابو سلسله....... يا هووووه اشبنا يا عيال ... عيب عليكم .. خلونا راااايقين يرحم والديكم

نزار ....... ايوه خلونا كدا احسن بدون دماء ولا اشياء تعوّر .. وبعدين حرراااام اتنينه تضربوا واحد ..اخس عليكم

طلال ..... يا اخواني يا اعزّائي ..ما هكذا يكون الحوار المفضي الى الحل ... لا بد ان ندع مجالا لـ..... ويقاطعه صاحب القهوه ..

مبروك قائلاً:ياخي هو خلى فيها مجالاً والا عيالاً .. فوق انه مو راضي يدفع الحساب يقول اني ما أسوى ولا ريال انا وقهوتي

محمد ..... قسم بالله ما قلت

طلال ..... بهدووء كالعاده ... يا اخواني لا بد ان ندع مجالاً لــ.... ويقاطعه
ابو سلسله ويقول لـ محمد..... يا واااد عيب عليك تشرب قهوه وشاهي وما تدفع .. ايش الكلام اللي ما يعدّل المزاج هذا ..؟؟

طلال ......يا اعزائي الكرام .. لا بد ان ندع مجالاً لـ...

نزار يسعدو...... ايوه صح كدا ايش كلامك هادا يا يا حمودي .. ليش ما تدفع .. اخس عليك

طلال ... يتكلم بسرعه كي لا يقاطعوا حديثه ... يا اخواني لا بد ان ندع مجالاً للعقل ليحكم على افعالنا ..فهناك حكمه وردت في احدى قصص (( تشارلز ديكنز )) تقول ..ان الــ.....

نزار يسعدو ... ايييييييييييييييوووووه (( تشالز ديكنز )) كل يوم اشرب فيه قهوه .. بالمررره قهوته لزيزه .

طلال .... كل يوم تشرب في تشالز ديكنز قهوه ..!!!!!!؟

نزار يسعدو .... ايوه كل يوم في شارع التحليه ...

محمد ... .. وهو صاحي وماهوب صاحي .... يا مغفل اللي بالتحليه ( ستار بوكس )

ابو سلسله ..... اشبك انتا .. خليك في حالك .. وادفع الحساب وانت ساكت .. وبعدين الواااد ما غلط .. انا مره سألت ستار بوكس قال ان هذا اللي سمه تشارلز ديكنز يقرب له من بعيد من جهة امه

طلال ... بحرقه وألم .. من جهة امّه هاااه ..؟؟؟ .. لحول ولا قوة الا بالله ... تشالز ديكنز كاتب روائي يا اغبياء يا متخلفين يااا طوووط طوووووط طوط طووووط <= (( الرقابه شايله السب )) يا قاع المجتمع

مبروك .... يهمس لصبيّه مهدلي ...والله امس فاتك عشا في هالقاعه .. شي خيالي ..

طلال .... بغضب شديد .. اي قاعه انت الثاني .. قااااع المجتمع يعني في الحضيض

ابو سلسله ....ايه والله صادق في الحضيض ..على قول شاعر حارة ( هات ايدك والحقني ) الحضيض اللي يبيع الحجر بيعوالذهب بيد النحِسْ صعب ينباع

طلال........ الشرهه ماهيب عليك يابو سلسله .. الشرهه علي انا اللي اتكلم مع ثقافات ضحله

مبروك ..... بأستغراب يا مهدلي ... (( ضحله )) لها علاقه .. بالمشاريب حقت القهوه ..؟؟

مهدلي ..... لا يا عمي اعتقد ان ما خاب ظني انه يتكلم عن الرجال اللي يقال له ستار بوكس ..

مبروك ...... اشواااااا

ابو سلسله ... يالله يا عيال خلونا نقفل المشكله هذي ..( ورايه نقله للشرقية ) يالله محمد ادفع الحساب

محمد ...... من وين ادفعه

نزار يسعدو .... من جيبك ها ها هاااااااي

طلال ..... ليش يا محمد ... خابرك انسان متخرج من الجامعه .. وموظف .. وما عليك قاصر شفيك ما تدفع

محمد ..... ايييييييييييييييييه يا خوي وش اقول وش اعيد .. انا قصتي قصه مثل كل الخريجين من جامعاتنا احنا يا خوي يا طلال نتخرج من الجامعه عشان يقولون تخرجنا بس وبعدها دبّر عمرك

طلال ....... ماني فاهم .. ممكن توضح لي اكثر

محمد ........ انا اقول مثل ما غيري يقول ان النظام الجامعي هنا (( نظام عفى عليه الزمن )) يعني نظام مـ....طوووووط وطوووووووط وطوووووووووووووووط <== ((الرقابه ههههههههه)) يعني ندرس 5 سنوات في الجامعه في اقسام يالله لك الحمد والشكر .. مالها اي مستقبل ومالها اي وظيفه بعد التخرج والدوله تعرف هذا الكلام ولا زالت فاتحه هالاقسام ... ليش ابي اعرف ليش ...؟؟؟

طلال .... طيب ليش من البدايه ما دخلت قسم له مستقبل ... هندسه ..طب ..

محمد ..... ياخوي بغينا بس المجموع ماااش ما دخلوني الا .. علوم اجتماعيه .. وش تبيني اسوي بالجغرافيا والتاريخ تخرجت الحين ومافي ولا وظيفه اقدر التحق فيها بهالشهاده اللي صارت من التاريخ فعلاً

ابو سلسله ... تعال امسك تريله معايه راح تنبسط

نزار يسعدو... ايوه روح امسك هادي اللي قال عليها ... احسن لك

طلال ..... طيب والحل .. وش السواة

محمد ....... يا اخواني صحنا الين انبحّت حلوقنا وما حد سمعنا ..... كفاااااااااااايه تدريس في هالاقسام وقفلوووها كفايه نزيد نسبة البطاله في البلد .. كفايه نزيد نسبة العاطلين اللي ما يدرون وين يروحون ...افتحوا اقسااام جديده نستفيد منها ونفيد الوطن .. لا تتركوا الشباب عرضه للتيارات الفكريه القادمه من الخارج ويستغلون وضعهم النفسي .. لا تتركوا للشباب فرصه للارتماء في احضان الافكار الارهابيه .. كفايه عقم في طريقه التدريس كفااااايه كفااااايه ..قسماً بالله نفسي هالسؤال يوصل لوزير التعليم ... يا وزيرنا وش هي وجهة نظرك في هالاقسام .. ومدى فعاليتها في المجتمع..؟؟؟

نزار يسعدو ..... ايوووه يا وزير جاوب عليه ازا كنت . طووططوووووووط <==(( رقابة النصوص ههههه)

ابو سلسله ..... يالله جاوب على الواااد ... يا وزير ما نبغى المسأله تكبر ترى الولد شرّاني هههههههههههههه

طلال ...... والله مدري وش اقول .. بس الكوره في ملعبك طال عمرك جاوبنا ..

مبروك ... يا مهدلي ..

مهدلي ...... سم يا عمي

مبروك ..... قفل القهوه واكتب عليها لوحه (( للتقبيل )) لا بارك الله في هالزباين دخلونا في السياسه .. من بكره نقلبها .. محل خياطه وتطريز .. ما غير الحريم شحليلهم اكبر شي يتكلمون فيه انهم يحشون في خلق الله بلا سياسه بلا كلام فاضي
يالله انقلعوا من القهوه ولا اشوف حد يوطوط هنا والا بحش رجلينه حششششش

13-01-2008, 02:15 AM

هههههههههههههههه

الله عليك عبد الله وعلى طرحك وسوالفك الحلووووووووة

والله استمتعت كثير وانا اقراها يسلمك ربي لاتحرمنا من هاالروووعة

من جد مـــــــبدع ’’

15-01-2008, 10:29 AM

يسعد صباحك أخوي
محمد بن عبدالله
رائــــــــــــــــــــــع ما ألفت لنا من كوميديا ساخرة
قصة عشنا مع شخصياتها حتى اندمجنا وكأننا شهدنا أحداثها فعلاً ..
عـافاك الرحمن وسلمت يمناك على ما كتبت
ونحن في شوق لأحداث الحلقة القادمة وقهوة مبروك

دمت بخير

بنت النمــــــــــــــــاص
×.×

16-01-2008, 04:37 PM

الله الله رجع لنا الابداع
والذوق الرفيع
وسرد القصص في قالب فكاهي جميل
كم تشوقنا لكتاباتك يامحمد حكواتي

عجبتني اول الحلقات كثير
بس ياليت تتناول شخصيات من المنتدى
يازين سوالفك والله زمان يابوحميد