من قصيم العز ظل العرب في كل حال =
=يعتلي في قمة طويق من يلجأ ..لها
عاصمة مجدٍ للإسلام عالي ما يطال =
=تستظل بظل شيخٍ بقلبه شالها
شامخٍ مجده وجوده لاهل عصره مثال =
=عزها سلمان كل المكارم نالها

أغلي بريده من غلا الدار كله =
=وأغلي الوفا وأهل الوفا في بريده
تاريخها يحوي بطية سجله =
=بالعصر هذا والعصور البعيده
سيرة رجالٍ كل عقدٍ تحله=
=الراي صايب والفعايل مجيده

كل واحد يقول الحق لي =
=وأكثر الناس بالحق خشرا
الخلفاء رابعهم علي =
=والمبشر بجنات عشرا
ما به أحدٍ بهالدنيا خلي=
=علم اللي بالعرب باع وشرا
لا تراقب سوى وجه الولي =
=أكثر الناس جهلٍ وقشرا

للبوح في دنيا المحبين معنى =
=لب القلوب يصافحه قبل الاسماع
يا ما تقدمنا ويا ما رجعنا =
=في دايرة شوقٍ لها جمر وشعاع
في نورها صدق المحبة جمعنا =
=وبنارها عقب النوى صبرنا ضاع
ما كل من فارق فراقه فجعنا =
=ولا كل مقبل يمه القلب نزّاع

خل الهدب يورد رماحه بصدري =
=لا تكسر النظره دلال وتغلي
يا اللي جبينك نور والطرف خدري =
=إلى دعاني بالغلا جيت كلي
يا نافلٍ جيله جمالٍ وقدري =
=مثل القمر بين النجوم متجلي

يوم قالوا سراة الليل أبعد ما يصير =
=جا زماني على يا نور عيني ماريد
مجد حبك وسامٍ ما معي به خشير =
=ختم حبك على صك المحبه جديد
الله اللي عطانا مجد حبٍ كبير =
=يا ملاك البنات ويا عيون الفريد

يا مصدر الإلهام يا سامي الذات =
=حلاك منه الشعر تكمل حلاته
معانيٍ تزهي جميل العبارات =
=هي مقصد الذوق الرفيع وطراته