ودي ابشاصن أليا تله كمـــا النجمه=
تله يبا نجــــــــــــد وعبالن مشى فيها=
أليا مشى ياصحيبي مختلـــف عزمه=
ماتسمع الى سيوره يــــــــوم يحويها=
طبلونه اصفار والطبعه على خشمه=
مكره وهزاز وخطــــــــوطه مساويها=
هو منوت اللي يبا يبدي على رجمه=
يبغا يدربك على حــــــــروت معاشيها=
ذودن مجاهيم والركبي مشــى قدمه =
عطيتن من ولــــــــي العرش معطيها=
لا جتك من لااهب المرزم ومنحدمه=
تارد على السقس ابو فكسه ويرويها=
يازينها وهي صلات العصر منردمه=
والشاص واقــــــــف ورعيها يناديها=
الذود له عندنا مقـدار مـــــع حشمه=
ومــــــن حيث ماربعت والله لا وديها=
ياجعل من ردها يبطـي علــى سقمه=
عن دربها اللي تبيـــــــــه ولا يخليها=
منها ترى خاطــــري مالــحقه كتمه =
عز المراجل وعــــــــــز اللي يباريها=
الشاعر فيصل متعب الهذيلي=