حقّق الله الأماني وانبـرى نجـم السعـود=في قدومك يا بو متعب تمّت الفرحـة لنـا
مرحبا ما اهتزّت اوراق الشّجر في كل عود=يـا ولـي العهـد فرحتنـا تمثّـل حبنـا
مرحبا عدّ المطر لاحثّ به نفـظ الرعـود=حن ضيوفك وانت راعي البيت بيتك بيتنـا
يا يمين الفهْد اسآل الله يديمك في الوجود=الشرف نلنـاه والمغنـم وجـودك بيننـا
باني آلامجاد في هذا الوطن بيت السعـود=بالشريعة والعدالة والوفـا يعـلا البنـاء
ثم رحّبنا بصحبك نعم صحبك مـن وفـود=كـم تحمّلتـم كثيـرٍ مِ المشقّـة والعنـا
ياعضود الفهد يانعم السواعـد والعضـود=فـي سبيـل تفقـدون اديارنـا واحوالنـا
فرحنا بوجودكم فـاق التّصـوّر والحـدود=يا تنومة عيّـدي عيـد السّعـادة والهنـا
يانديّ الكـفّ للـي صافـح بْكـفٍّ ودود=حبّك الشعـب السعـودي معلنيـنٍ ودنـا
يا يمين الخير في كفّك سيـوفٍ للصمـود=الحرس من يردعون اهل الغشايش والدّنـا
ربنا يجـزاك عنـا خيـر مامنـا جحـود=فـي وجـودك بيننـا شرفتنـا واكرمتنـا
جِعْلت ايامك سنينٍ بك وبامثالـك نسـود=ياسليـل المجـد نوّرتـم ظـلام ادروبنـا
بالمحبّـة والـولا مستقبلينـك والـورود=قبل تنزل في تنومـة قـد نزلـت قْلوبنـا
في جنوب المملكة عيدٍ لنـا ليتـه يعـود=يعجز التعبير عن وصف المشاعر عندنـا
ياعسير استبشري وتنفّسي نفَس الصعـود=كل يـومٍ فيـك عيـدٍ فـي لقـا حُكّامنـا
ياسراة الحجر غنّي واكتبي نثـر وقصـود=وانقلي غالـي تراحيـبٍ تسجّـل باسمنـا
ياغصون البرك والريحان والكادي وعـود=انثري عطر وْبخورٍ فـي طريـق احبابنـا
يا طيور الدوح غنّي وانت يالضبي الشّرود=سِرْ على مهلك ترى لك مقسمٍ في فرحنـا
تفتديك ارواحنا وفْدا الفهـد فهْـد الفهـود=والوطـن كلّـه عزيـزٍ تفتديـه ارواحنـا
سَلّم الشاطي على اجبال السراة على النفود=والتلاحم والترابـط عايـشٍ فـي صلبنـا
كل يومٍ مملكتنـا للعـلا ترقـى السنـود=بعد وحّدها الذي كسب المدايـح والثنـاء
جعله الرحمن في فردوس جنّـات الخلـود=خلّف ابطال الجزيـرة بعـد ربّـي عزنـا
رفرفي رايات لسلام وتعلي فـي الصعـود=من ربى مكّة وطيبـة واستـردّي قدسنـا