سعيد العبسي
يا بيت شعري شــد إقصور وعمـائـــر - وأنـــا فــــداك إنمــــا بنظمك تفننـــت
إما رقيت إبك السماء وأنـت خابــــــــر - ولا كتمتكبيــــن الأضـــلاع لا هـــنـــت
إمـا رسمتك في عــيــــ ـون الأكــابـــر- وإما ترى كل ( ن ) يصفق لي أحسنت
مــا أبيك في عـازة غـرام أو مشاعــ ر- مـا أبـــي تليـن إلا إذا شفتنـي لِــنـــت
أبيك تعبــر بي بحـــورالمــخــــاطــــر - وإقـلــب بـي القــارب إذا مـــا تــوازنـت
بنت النــــور
سبحــان مــــنخـــلاك تـرقـى المنابر - وخلاك تنسى قبل كم عام وش كنت
قبــــل أمس ما لكصيت واليوم شاعر - ما كن بــه في عالم الشعر غـير أنـت
مشيك وقـــــوفـكشـلـتـك لـلــدفـاتـر - تـــدل إنـك شنت مـن بـعـد مـا زنــــت
اليـومشـوفــة نفس وش عـاد بـاكـــر - مــا يعــجـــبـــك بـيـن العذارى ولا بنت
لكــــن خـــوفـي دام طبـعـك مـكــابـــر - مـا يلتفــت لك بنــت لـو مــابه إلا أنــتبنت النور
ياقاف شعري بارك الله مساعيك - سربي على سكه شعوريرسمها.
لاقام خفاق المشاعر يناديك - عز القوافي تعتلي في هرمها.
شدالعزايم وانظهر من يجاريك - ارفع له البيضاء ونصب علمها.
خل العيون الياابحرت في معانيك- تثني على كف الغلااللي نظمها.
ياكل مبدع حكمتي بين اياديك - وناس تجاريني تبدي حكمها
سعيد العبسي
بسم المحَل وبسمنا الله يحييك- وابيات شعرك كلنا نحترمها.
يامرحبا والله يحيي مباديك - من شاعر يقرا البيوت وفهمها.
الشاعر اللي دوم يعشق تحديك- واقول هذي فرصتي واغتنمها.
اجاري ابياتك واروض قوافيك - واسابق الهقوات واقطع نسمها.
لاصار خمس بيوت فاالشعر تغنيك - فغبني على نفسك وهذاكرمها.
امانظمتيلي مية بيت بيديك - ولااتركي لشعار للي حكمها
بنت النور
اداري على كتم الحزن من هنا وهناك - واصابر على قسوة سنيني واجاملها.
وانا غايتي يابوي في هاالزمان رضاك - ابشري رضاعينك بدنياي بأكملها .
يبه وش مكدر خاطرك ياعساي فداك؟-عساني فدا عينك ولاعاش مزعلها.
دخيلك تعلمني علام الحزن يغشاك- ترى شوفتك في هاالوضع مااتحملها.
اذاصارت الدنياتكدر علي مبداك - لك الوعد لاجلك دنيتي لااتجاهلها.
ظروف الزمن يابوي لاشك ماتخفاك - واناخابره يابوي عزمك يعادلها.
عساها فداعينك مثل مافدوك عداك- ولاتنشغل روحك والافكار تشغلها.
ابهدي لك ابياتي ومضمونهايعناك- وأبرجي لبونوره برده يجملها.
سعيد العبسي
ابحشد همم عزمي واجاوب على معناك - ولااقول لي حيله وجفت مناهلها.
مع ان الليالي مظلمه والدروب اشواك - ولا اخس من نفس تعامت دلايلها.
اخاف ان يجي لمعلقات القصيدارباك - وناس تطلعها وناس تنزلها.
وانالادعا الداعي تضايق بي الافلاك - اذاماانتخيت لدعوته واتقبلها.
اذاقلتي الدنيا فدنياي ماتنحاك - ولكن لقت رجالها اللي يجاملها.
اجامل مع الدنيا على قول ذاك وذاك - الى شانت الدنيا فزين تعاملها.
ولاالوم عين ابوك لوراقبت لفلاك - تري قسوة الدنيا لهامن تثاقلها.
تحياتي العذبه مع الرد لامن جاك - وصبرك على الدنيا وربك يعدلها
بنت النور
لاهان لك كف جزل باالعطيات - ياالشاعر اللي صعب يرد جمله.
عطني وخذ مني نقيات الابيات - وخل اللذي فهمه على قد عقله.
الطيب طبع الناس والظن سيات - ومن قدم المعروف يجزا بمثله.
يامكبر الزله وكبر الخطيات - ان كان طعنا كل جاهل بجهله.
سمح على نهج الدروب السويات - وعرض على شين النوايا وخله.
من له على الزله هقاوي ونيات - عسى رداه يلازمه مثل ظله.
العرف بين الناس مابه خطيات - وهاالمنتدى بيت القصيد ومحله.
وتبقى النفوس على نقاها وفيات - وسبحانه اللي يعلم القصد كله.
سعيد العبسي
يابنت ابرفع لك بيارق ورايات - جبتي معانيها على الوضع كله.
حلحلتي اسرار الحروف الوزيات - وصفق لك الخافق على كل جمله.
لكن اببدي لك علوم خفيات - دامك على الترحال ماانتي بعجله.
ابوي رباني على خمس حاجات - وفهمني الدنيا على خير مله.
يقول وسم في زمانك علامات - والطيب والمعروف يكسب من اهله.
ولاتعمر لك على الياس هقوات - ترى عمار الياس مايحتزم له.
وحذرا تصدق كلمة البنت بااللذات - فلاوراها الا الشقا والمذله.
باءمكاني اصدق جميع الحكايات - الا حكايه بين عنتر وعبله!!
بنت النور
ياالشاعر اللي حكم بيته - وارضابه الناس وارضاني.
اذاوجودي تشانيته - بشوف لي منتدى ثاني.
وش هاالحكا اللي تحاكيته - ياشيخ حاسب على شاني.
ويش الخطا اللي تجنيته - شمت بي كل عدواني.
ان كان شعري تزاريته - مسموح عدل بقيفاني.
وان كان مثلك تحديته - ابصم لك انك تحداني.
ان جبت لك بيت رديته - يعني جميلك تعداني.
تدري وش اللي تمنيته؟-القاك في يوم وحداني!
بااسمعك شعر خطيته - واعزف لك البيت بلحاني.
وانا اعتزل شعري وبيته - اذاطرالك تحداني..
سعيد العبسي
ياالله يااللي ترجيته - راجيك في كل الاحياني.
تعز عقلي بتثبيته - لااقابل الناس بجناني.
اضيق والضيق داريته - ماودي اطيع شيطاني.
يابنت جريت تنهيته - وقلبي نفض بين ضلعاني.
ماهو غرام وعانيته - حشافأنا ربي اغناني
بس التحدي الى ريته - الجن وهي جن تشناني.
بعلمك شي ماابديته - حتى على غالي اخواني.
الجن الازرق تغديته - قبل ان يهم ايتعشاني!
والشعر لوجيت غنيته - تريه من ورث جداني .
ماهو كلام تحاليته -وخذي كلامي من لساني
سعيد العبسي
انا وبنت النور مابيننا خلاف - كل<ن>على نظم القصيد ايتحزم.
خذنا المعاني والمحاريف باءنصاف - وبانت علوم المستلم والمسلم.
وايام قالت بااتحداك باالقاف - ماهو تحدي بس كانت تحلم.
ومهما تزيد من العند والتلقاف - نهاية الطالب يطيع المعلم.
واليوم جيت ارسم مع القاف محراف - واجيب لغز ابغا لحله تقدم.
وانكان شافت في حلوله تكلاف - قلولها لا عاد تسقيني السم.
اسالها عن بنت تسمع وتنشاف - خرساء وعاشقها بدلها ايتكلم
تجلس معه بين الرجاجيل الاشراف - واذا اعجبتهم من فرحه ايتبسم
ان كان جابت لي حلوله بلا اجحاف - اعطيتها اكبر جايزه ماتقيم.
وان كان ماحلته فسنينها عجاف - قلوا على نظم القصايد ترحم
بنت النور
يامرحبا ترحيبة مالها اوصاف - تعطيك في لشعار رتبةمقدم.
ترحيب لك صافي ولافيه محلاف _ ياصرح لامنه بني ماتهدم .
وحياالله اعلامك من السين للقاف _ وحروفك اللي من قراها تبسم
للغز حلاله وللشعر عراف _ ماهي مجرد عاطفه وانت تعلم.
برسلك حلولي بريد وتلغراف _ولاتقل حلي غلطفااتحطم.
هذي القصيده اللي لها ظهور واشراف _ اللي على زين المثايلتولمياجي لسامعها على حبها اشغاف _واللي بناها بالحكم ماتندم
عطنيجوايزها بليا تصراف _ الحين من حقي عليك اتحكم.
ولاالبنات بعينك اصغار واضعاف _ ولالهم في نظم الاشعار مقسم.
ياكم نشيل اثقالها فوق الاكتاف _ بس انت جنك تخدمكوانت فندم!
مشاركة بواسطة:
مساجله شعريه العبسي وبنت النور
العرض العادي
