بي شوق للدله وصوت الفناجيل
والقهوه اللي النار توقد لهبها


واشتقت للمسمار والبن والهيل
والزعفران اللي يطيب شربها


سلم العرب جيلٍ يعلم بها جيل
مازان مجلس دلته مانصبها


فيها السلام وكيف روس الرجاجيل
ومعها علوم تدور اللي رغبها


فياما انقذ الفنجال بعض المقاتيل
وامن مطاليبٍ تعذر طلبها


صب اقهوه من طيبات المعاميل
وشب نارك فالدفا في حطبها


فبيتٍ بلا قهوه فلا فيه تسهيل
فهي شيمة العربان وايضا نسبها


اخوكم عبدالله بن عقيل