ياسلامي للشيوخ اللي لهم مجد وقاله = أهل تاريخ ومجد بالفعايل كاتبينه
آل دعبش يوم كل يحتمي حده وجاله = للبيارق رافعين وكل حد محتمينه
ياشيوخ المجد والفزعات وشيوخ الشكاله = والله إنكم تجملون وكل مدح كاسبينه
ياشيوخ آل الوليد أهل الفعايل والبساله = يوم كل مايطول الا بما تفعل يمينه
لابة حرابهم من فعلهم يرثى لحاله = من ملاقاهم يحل الذل به وتشيب عينه
مثل سيل العرم لايبقي دقاق ولاجلالة = لاأنتحى في صوب يدربي الحصى ويشيل طينه
وأنت ياظاهر عصامي لافجور ولاضلاله = شيخ وميزان عدل وهقوتك دايم سمينه
وأنت قيدوم السرايا للجمايل لامحاله = ماتجي من دونها ياراعي العين الذهينه
وأنت ذخر للرفيق اللي جنابك راس ماله = فزعتك في العسر قبل اليسر تلقاها يمينه
وأنت بيت للسخا والجود عامرة خصاله = حاتمي شرع أبواب التراحيب الثمينه
وأنت راعي صايب الشور ومفاهيم العداله = المصيب يصيب به ويطول والمخطي يدينه
وأنت حصن شامخ ماغير الوقت إحتماله = بالفخر يذري ذراه وللنوايب ذاخرينه
والفهد بعده فهد مسعاه لأمجاد وطاله = يافهد ياطيب حظ أبوك مادامك عوينه
أنت شيخ بعد شيخ من شيوخ ومن سلاله = من سلالة مجد من خلقوا وهم متوارثينه
الخلف بعد السلف بالمجد يحظى في كماله = والأمانه ماحملها الا رجاجيل رزينه
طول الله عمر ظاهر بارك الله في عياله = أهل تاريخ ومجد بالفعايل كاتبينه

اخـــــــوك/ولــــــــــــــــــــد ال محــــــــــــــــرز