كل ما هزّتني الذكرى وجبت السيره=اختلف وضعي وخالجني شعور(ن) ثاني
ياعسى في الأمر خير ويا عسى في الخيره=الغريب يعايش السلوى وانا وحداني
كأنّي انقل خيبتي من ديرةٍ في ديره=التوجّد راس مالي , والهموم اخواني
ابدوي(ن) ما لقى زاده وضاع بعيره=عاشر الليل البهيم وساير السرحاني
ماعرف غيره وكيف انه يدور غيره=لأصبح ان الذيب ما قربه وهو جيعاني
كل ما خيّم عليه الليل شبّ النيره=ويتونّس بالهجيع وشبّة النيراني
وافين رغم الزمان مكمّلن تقصيره=صار وأيّا الحظ والدنيا . عليه اعواني
العيون بصيره وجات اليدين قصيره=وعجزت ايدينه تطول المنظر الربّاني
منظرن تعجز بيوت الشعر عن تصويره=والله انّ ابطي عظم ما واصفّه بلساني
ويل حالي يا عذابي عايشن في حيره=اختلف وضع المؤشر , وانقلب ميزاني
لو يقولون العرب عطنا النسب والسيره=قلت انا من نسل عدناني وانا قحطاني
وشفت برج المملكه متنصبّن في الديره=والهنوف اليعربيه عرقها يوناني
يا ويل أمّ اللي خذاه الحب في تسويره=لو بيده يسلمونه خاتم سليماني
ماتمنى الا تروح الجن في تحضيره=جادلن غير مسار الشاعر الأنساني
الصدور موسّعاتٍ و القلوب كبيره=وضاقت الدنيا عليها لا تجي فاحضاني
والله انّي سرّ بير(ن) لو تجي في بيره=ما يبيّح سدّ قلبي سلطة السلطاني
بيت طيب وساس عز وحافظٍ للجيره=والزمن لو جار فيني ما يهزّ اركاني
وكانها جت للحميّا والسطر والغيره=توي الميدان والميدان يا حمدياني
المنواي لو تضخم والنفوس صغيره=ما تخلّص في الثقيله وزنة الذباني
والا انا شاعر طموحي لو عشقت اميره=طاح ترفات الرقاب وجعلهن من داني
سحر حسِّي في البنات مبيِّنٍ تأثيره=والله ان اعقد عليه(ن) عقدة الحرماني
وإنّ أفجّر قنبله في الكيمياء واكسيره=ما كشف سرّ التفاعل عقل بن حياني
اشهد انّ للحب سكره ما تعرف البيره=سكرتن من دونها يفرض علي ايماني
النقا ثم النقا , والخوف من تحذيره=واهجر المحبوب . واتعوّذ من الشيطاني

تنكر لي دهري ولم يدر إنني=
=أعز وأحداث الزمان تهون
فبات يريني الخطب كيف اعتداؤه=
=وبت أريه الصبر كيف يكون

المشاركة الأصلية كتبت بواسطة عبد الخالق السالمي مرحبا اخي الحبيب وشاعرنا المبدع الجزل سعيد الاحمري صح لسانك كعوائدك تأتي بكل جزل وبكل جميل وفقك الله ياابو عبدالله ولك تقديري واحترامي