أعوذ بك يا رب من وجه شيطان = في صورة ابن آدم تمثّل أمامي
يهرج وهرجه زور كله وبهتان = مغلفه بغلاف عذب الكلامي
يدس في حلو العسل سم ثعبان = عوايده ما يكسب إلا الأثامي
حاقد وحقده بان من قلب ولسان = يشب في جوفه كما الجمر حامي
يخسى ينال القوم مادام لي شان = بخرس لسانه وألجمه باللجامي
وهذا كلام الصدق حجة وبرهان = يذهل قضاة المحكمة والمحامي
ربعي بني أثلة وربعي سلامان = ماقول هذا أثلي وهذا سلامي
وجهين في عملة ذهب ما لها أثمان = طول الدهر ماصابها الإنقسامي
ولا كما الحديّن بالسيف شامان = مصقل(ن) يكسر صليب العظامي
المجد تاريخ لنا عبر الأزمان = متوارثينه من عصور(ن) قدامي
ربعي شبوب الحرب للخيل فرسان = الويل للي ضدنا بالزحامي
أفعالنا بصمات في كل ميدان = ماكنها إلا النور يجلى الظلامي
ربعي دول شهرين شيب(ن) وشبان= أهدي لهم مني جزيل السلامي
من سد بيشة لين توصل لثربان = ومن ضلع دهناء لين دار الزمامي
الطيبين اللي بهم صدق وإيمان = الحاضرة والبادية والتهامي
الجود عادتهم وللجود عنوان = فعل الجمايل همهم والمرامي
محال يوفيهم من المدح ديوان = لأن المدايح تاجهم والوسامي
تم القصيد ونطلب الله بغفران = ثم الصلاة على النبي بالختامي

يا بوعلي بين إعتراف و تهاميـش=من مر به وقت التجاريـب عاشـه
إلا الردي خطو الخدوش الدراويـش=إلّلي طموحه ينحصـر فـي معاشـه
ولا انت لا صاروا السواطي مرابيش=حر ما يطري له على البال حاشـه
شرواك منوتنـا قـروم مداغيـش=أهل سعة صـدر وحلـم وبشاشـة
إللـي بخوتهـم تطـال المناويـش=ولا فيهم إلّلي يسكن الغـل جاشـه
حرار في خدمة بعضهـم مجاهيـش=وإن زل أحدهم ما أسرفوا في نقاشه

المشاركة الأصلية كتبت بواسطة صقر البهيشي ربعي بني أثلة وربعي سلامان = ماقول هذا أثلي وهذا سلامي وجهين في عملة ذهب ما لها أثمان = طول الدهر ماصابها الإنقسامي ولا كما الحديّن بالسيف شامان = مصقل(ن) يكسر صليب العظامي المجد تاريخ لنا عبر الأزمان = متوارثينه من عصور(ن) قدامي ربعي شبوب الحرب للخيل فرسان = الويل للي ضدنا بالزحامي أفعالنا بصمات في كل ميدان = ماكنها إلا النور يجلى الظلامي ربعي دول شهرين شيب(ن) وشبان= أهدي لهم مني جزيل السلامي من سد بيشة لين توصل لثربان = ومن ضلع دهناء لين دار الزمامي الطيبين اللي بهم صدق وإيمان = الحاضرة والبادية والتهامي الجود عادتهم وللجود عنوان = فعل الجمايل همهم والمرامي محال يوفيهم من المدح ديوان = لأن المدايح تاجهم والوسامي

أنا الشامخه شموخ العز من ساسي =ولالغير الله احني هامتي واركع
أنا ذقت من وقتي مر يجرعه كاسي=شربته وتحملت القواسي قدها وارفع
أبد ماذلني وقتي ولالينت له راسي=كرامه نفسي فوق الحب مهما صار ماأخضع

ليا جيت في مجلس به الهرج والشمت= وفيه السولف كثر قيل وقالى
شربت فنجال المعزب وكرمت = وقلت ارخصوا لى موعد لى رجالي
انا ليا من ضاق بى مجلس قمت= أخير لي حتى لو اجلس لحالي