مسيت بالخير يالبهلول = جعلك على طول متعافي=
سلام ما هتّن الهملول = وعداد ما عجعج السافي=
جيتك وانا ماني بمرسول = جيتك وانا اقول ياكافي=
لي غيبة شارفت عالحول = ما عنك يا صاحبي خافي=
امترالحفر عرض وطول = انام عالجدر وقافي=
وافطر عدس واتعشى فول = واطبخ على الموقد الدافي=
انام وفراشي الطربول = واحيان طربولي لحافي=
واصحى على نغمة القلقول = معلول واحيان متشافي=
ما من يقدم لي المعسول = ولا من يقدم لي الصافي=
ما يقضي الحاجه المحمول = ولا يوصل الحاجه الافي=
ما ضر الاعمى عيون(ن) حول = وش فايدة كهرب(ن) طافي=
لكنها شدة وتزول = والله ولا غيره الشافي=