اقدم لكم ابيات متواضعة علها ان تنال اعجابكم وترقا الى ذائقتكم
شين حضي كان ماعديت وقت الضيق نايف=في علوه ينجلي همي ويذهب جل ضيقي
قبل اجيه الوضع مزري وآصله والوضع كايف=غير كيف آصل وانا ساقي تعثر في طريقي
مايكدر صفوة الخاطر وتزداد الحسايف =غير لامن البلا والضيم جاني من رفيقي
وش يعذر قاطع الساقه وسلال الرهايف=في غيابي من هل الشيمات والعلم الوثيقي
بين الوقت الخوافي والزمن ماهو بحايف=في مداراته تبين لي عدوي من صديقي
كل صدمه فالحياة ان كان ماتوصف وصايف=ماتحرك في جبال ابها ولا هزت طويقي
دام مومن لايهمك لا ثقال ولا خفايف=اذكر الله واستعن به دوم لو جرحك عميقي
من تصبر بشره بالخير وبزين الخلايف=الخلف من رب ماهو من صديق ومن شقيقي
والحياه دروس والدنيا ما تمِن كل خايف=ماسلم من خاف بالدنيا هذاالعلم الحقيقي
الحياة درووووووووووووووووووووووووووووووس
العرض العادي
