طالبك ياعالي الشان علام الغيوب=ياوسيع المغفرة يالقدير المقتدر
ياميسر ماتعسر يافراج الكروب=خالق من نار جن ن ومن طين ن بشر
اشملنا في وسع رحمتك واغفر للذنوب=واهدنا للخير واهله وجنبنا القشر
بعدها ياراكب ن جيب غير اعن الجيوب=له ثلاث سنين توه على الساحه ظهر
صمموه بشكل راقي ومرضي للشعوب=للعجم يرضي وكل العرب بدو وحضر
بسم تايوتا مصدر وخالي مالعيوب=الا عيب ن ماتلافوه واسمع للخبر
شكله الجذاب يغري رهيفات القلوب=هاذا عيبه والنصيحه يغضون البصر
اسمه امميز وتبلش به لسان الكذوب=والصدوق اطلق لسانه بقولة فورشنر
دفعه رباعي وستة سلندر تب توب=مع مكابح مانعه الانغلاق ابلا خطر
البدي من خلف وآمام والا من جنوب=يدهش الناظر بحسنه ليامنه نظر
مقدمه لاقبل من ابعيد نطاح الخطوب=ماتقول الا ابن شداد فالهيجا حضر
نوره الشعال يقدح كما برق النصوب=وان كبس فالليل الاظلم غدا كنه ظهر
وان نظرته من خلافه على وقت الغروب=اذكر الله واستغفره عسى الرب يغفر
من نظر له بري حاله عسى وانه يتوب=ذاكر ن له شي ماضي وانا ادري وش ذكر
لاانطلق وصف ابن هادي حمد عني ينوب=انطلاقه مثل زاروق في غبة بحر
موتر ن فاق الوصايف مقدر وامحبوب=والله انه محزم العز لاحان السفر
راكبه قل بسمك الله وعجل بالركوب=لاذكرت الله وصليت فالمسجد فجر
اتجه لديار الاجواد ورجال الوجوب=الديار اللي بهاعز راسي والفخر
اتجه لديار الابطال لديار الجنوب=كايدين الضد والضيف يلقى له قدر
وجه الله لايهينك مع ذيك الدروب=لين تاصل دار ربعي ديار ابني شهر
دار قوم ن صيتهم ذاع في سلم وحروب=للحليف اغلى موده وللعادي قهر
كم عدو ن في يديهم غدا دمه يروب=اشهد انه ذاق للهون والموت الحمر
وان وصلت لمنتهى العلم مافيها نشوب=ابشر بعلم ن يجمل وصلت ابني بكر
بلغ لفايز تحيات من صدر ن رحوب=واترك الباقي من العلم لو طال وقصر
يابو احمد ياحزامي ليا شبت شبوب=اشهد انك صامل العلم واحزام الظفر
حان تكسير الجماجم ودقاق الحبوب=مابقى فالعمر عمر ن ولو طال العمر
لاتراجع عن مرامك ولك قدر امحسوب=لين يجري نهر دجله معا دلتا مصر
ودي انك تاصل القصد وفوادك طروب=والاانا لو كنت قادر فلا عندي صبر
والختام اعداد ماهب نسناس الهبوب=ياصلاة الله على خير مرسل للبشر

استهلي يا صواعق وهلي يا نصوب=واغرقي كل البسيبطة من مزون المطر
اروي القطبين من ماطرك حتى تذوب=وارسلي فوق الشوامخ مجاريف البحر
سيلها من هيض صدري يجوب الارض جوب=تختزل كل البشر والعفاريت بصدر
صدري الي لو جمع في حناياه القلوب=اصبحت بلوانها العشر في جوفه خضر
أرسل المردود بحروف تفتح كل بوب=لا ورقها من زبرجد ولا الحبر التبر
ولا بيحملها على الخط جيب من الجيوب =ولا شبح لا جمس لا لكزس تفر الكفر
ولا على طيارة الميج يحملها الهبوب=ولا على صاروخ ناسا إلى سطح القمر
إلا عبر الي فتح للبشر كل الدروب=حط تونس في ميامي ولندن في قطر
في ثواني تقطع الارض وتعم الشعوب=عبر قوقل من مكاني تناقلها البشر
توصل ابن عمير من كل حدب وكل صوب=شاعر جاوز حدود المعاني والعبر
شاعر ابني يثله اهل الشيم واهل الحروب=نارهم للخصم والضيف دوم تستعر
يا سعد جاني نباك المسطر في كتوب=كل ما حدقت عيني قصرت في النظر
البحر هايج ومايج ورايج بالخطوب=والسفينه بين حالين وافضلها خطر
انكسر مجدافها قبل نوقيت الركوب=ما بقى الا بعض مجداف يمكن ينكسر
ان بغى الربان يصلح مجاديفه تعوب=وان تركها غرقوا الراكبين بلا بصر
صار محتار ومقطب جبينه في شحوب=حتى فرضه ما درى يكمله ولا قصر
يا وجوده من وجوده على الحال الصعوب=يا غبونه ما يبونه ولو يبحر عبر
قام يصنع له سفينة عن الاولى تنوب=قام يبني من جديد السواري والدسر
لو حسبها ما كسبها على الموج اللعوب=خاضها بانقاضها شد يالموت الحمر
قادم توه بقوه ولا همه رسوب=الا يعبر لجة البحر ما يعرف حذر
والملاحة لو يقولون غالب ومغلوب=ما رجع ربانها الا عظيم ومنتصر
قيل تيارات حيتان غارات ولهوب=ارجع ارجع لا تهور ترى موجه غدر
قال ما ارجع لو يجينا الشروق من الغروب=لو بظل العمر كله على درب السفر
نيته يقطع محيطات ما عرفت نضوب=إن بغاها قرصنة وان بغاها متجر
حالف ان يغسل دم الذل بالماي العذوب=حالف ان يكسي جدار الهزيمة بالظفر
يا مصدق يا مكذب ترى القول محسوب=غط بيدينك عيونك وعد الى العشر
وانظر تشوف القوارب على المينا تجوب=كلها ترقب جناب السفينة لا حضر
ما لها الا رب الارباب غفار الذنوب=كاتب العزة لمن يحمل الصدق وصبر
ذا جوابي في كتابي ويا ربي تتوب=عالذي تعطيه خيرك وقصر في الشكر

المشاركة الأصلية كتبت بواسطة عين النااقد قصيدة ورد في غاية الروعة ، وفعلا هذا ما نحتاجة في منتدى بني شهر ( إبراز قدرة شعرائنا ) البيت قبل الأخير للشاعر سعد عمير نسي فيه كلمة ( أنا ) فانكسر البييت ، والصحيح أن يكتبها ( ولا انا لو كنت قادر فلا عندي صبر ) فالخطأ مطبعي وليس شعري ولعله يعدله ...وأقول ( أنت قادر يا سعد ولا انت بسهل )