أيام مرت يا عسى ما تعودي= عشرة شهور وكنها عشرة أعوام
ما سرني فيها السهر والرقودي= مابين ضيق وقهر وأحزان وأوهام
من يمتدحني مثل راعي النقودي = وتحت الضلوع أحس تفجير وألغام
هم الفلسطيني وجور اليهودي= عز الله إني شفت لي رعب وإجرام
يا كيف يهل المعرفة والرشودي= نزرع ونحلم ثم تغتال الأحلام
يا كيف نشقى ثم تضيع الجهودي = ماهو بعدل ولا يحلله الإسلام
صار البلد كله سباع وفهودي=غابة مخيفة دون ترتيب وانظام
النذل والجحاد واللي حسودي= واللي سروق أعطوه تصريح وأختام
روحت للقاضي وجبت السنودي=يا قاضي انصرنا وعجل بالأحكام
اقطع يد السارق بسيفٍ حدودي = واللي قتل يا شيخ يستاهل إعدام
لكن قاضينا كساه البرودي= ويقول يكفي لا تسوي لي أفلام
الجاني أصلاً واحدٍ من جنودي = أحميه من جور الفقارى والأقزام!!
تحمد الله عايشٍ في الوجودي= تأكل وتشرب من محامير الأنعام
ولا تطيع اللي طغى والحقودي =من شان لا تصبح محارب فالإعلام!؟
يكفيك يالطيب مواطن سعودي=لا شافك المسلم يلوح بالإبهام

:العلم:

المشاركة الأصلية كتبت بواسطة البازوكي صح لسانك يا مشرفنا والله يعينك ويفرج هموم المسلمين أجمعين

المشاركة الأصلية كتبت بواسطة عبدالله الشغيبي صح لسانك يابو مشاري مشاعر نبيله جسدتها في هذه الرائعه وتقبل مروري

المشاركة الأصلية كتبت بواسطة جمعان بن محمد قصيده رائعه ومعاني جميله ومشاعر أخُّوه صادقه تحمل همّ المعاناه الفلسطينيه وهمّ المسلمين .. الله يعطيك العافيه أخي أبو مشاري على هذه الرائعه ...