لاح برق المجد في بيرق سحابه=وابتدا التاريخ ينسج في كتابه
من مداد المسك والعنبر حروفه=صب من فوق الورق عطر الكتابه
ولد ليلك يا الفرج بالصبح الابلج=ولد عيد وصارت الفرحه ثيابه
اشرقت شمس المعزه والكرامه=كنها تجلا عن الدنيا الكآبه
اشرقت يوم ان ابو تركي معزي=قام يشعبها وهو يشعب ركابه
وحد الدار وبنا امه ودوله=واتبع سنة محمد والصحابه
عقب ما كانت عصبية قبايل=خوف واستبداد. ثارات ونهابه
اصبحت دار التآخي والمحبه=امن واستقرار ماكان بغيابه
يا الله انك ترحمه رحمه وسيعه=يا الله انك تجعله ممن كتابه
في يمينه يوم يلقونك عبادك=واكرمه يارب واجزل في ثوابه
اسس الدوله وخلف له نوادر=تحكم ابشرع الله وتخشى عقابه
اكملو نهج المؤسس ماتوانو=وكل واحد ينشكر سعيا سعابه
من سعود وفيصل وخالد ولا انسى=فهدنا فهد الفهوده والذيابه
والله يطول بعمرك ياملكنا=يا بو متعب متعب الجور وعذابه
يا حبيب المملكه دمث الجنابي=تحتضنه قلوب شعبه والرجا به
خادم البيتين محمود السجايا=فزعة اللي صكه الوقت وغدابه
في مزاياه القلم ينفد مداده=لاغرابه يوم ينفد لاغرابه
الشجاعه والسياسه من صفاته=وانتماءه للعروبه ما يشابه
والكرم والمرجله والطيب كله=والفروسيه كسبها في شبابه
طال عمره ما ذخر وقته وجهده=في سبيل الدين والشعب اعتنابه
وان شكا المضيوم قال ابشر بعزك=وايتفقد ف البلد حال الغلابه
عهده الميمون يزهى بالتطور=والبنى التحتيه اتشاد ابصلابه
يا الله اتطول بعمره يا الهي=وان تسدد ياالهي ما مشابه
وان تطول في عمر سلطان عضده=وان توافق دعوتي ساع استجابه
عضده الايمن وهو ولي عهده=سيدي سلطان سلطان المهابه
قائد الجيش السعودي دام عزه=يعجز التعبير عن حضرة جنابه
من خلقه الله وهو رجلٍ محنك=معقل الحكمه ولا ينصك بابه
له يمينٍ تختلف عن كل يمنى=البحر من دونها يقصر عبابه
يا بلاد الحرمين الشريفيني=انعمي والدار ما يشكي صوابه
انعمي في ظل حكام الجزيره=انعمي والشعب مزروع الولا به
السعوديه ديار الخير واهله=والشهامه والمروه والذرابه
خيرها في كل قطر وكل ديره=الحيا ربي مصخرها سحابه
انتباها وانتباها يا وطنا=من معه مثلك وطن قبل ترابه
قبلة الدنيا وفيه اخر رساله=للبشريه وخير الخلق جابه
انتباها وانتباها يا وطنا=من معه مثلك وطن قبل ترابه
انت فينا لو تغربنا ورحنا=كل صدرٍ ينقلك داخل زهابه
انتباها وانتباها يا وطنا=من معه مثلك وطن قبل ترابه
من هنا من دولة الاردن اصرح=عن شبابك يا وطنا بالنيابه
كلنا نفدا ثراك وصوت واحد=لو يكون الموت قلنا يا هلابه
لا إله الا الله ومحمد رسوله=رفرفت والسيف يزهى في نصابه

المشاركة الأصلية كتبت بواسطة محمد الطويري شـــاعـر الجـزالـه عتمـــان الشهــري لبـى أنـاملكـ وماسطـرتـه قصــيدة جزلــة ومحكمـه ورائعــة انتباها وانتباها يا وطنا من معه مثلك وطن قبل ترابه صـح لســانكـ عـدد مانطقـت بـه تقبـل مروري مبتهجـــاً بمــا قــرأت " لبـى ترابـكـ ياوطـن "

المشاركة الأصلية كتبت بواسطة سعد بن عمير صح لسانك الله الله الله يااهل الاردن وش هالجزاله والابداع

المشاركة الأصلية كتبت بواسطة بنت حائـــل صح قلبك اخــوي الوطـن يستاهـــل . . الكثيــــــــــــــــــــــر . . يالبيـــه بس . . / امتنــانـــــــــــــــــــــي