إذا كانت الأمجاد للفعل لا الأشكال=
يجوز القصيد وينفتح للمدايح باب=
وعند الكُرب يحضر رجل في غياب رجال=
ولولا الظلام وقسوته ماينير شهاب=
سلامي لفخر أبني شهر طيبين الفال=
هل السيرة العطرة هل الجود والترحاب=
رجالٍ خذوا من هامة المرجلة منزال=
سعود الضعيف ومزبن الخايف المرتاب=
يجيدون فن الصمت ويحدثون أفعال=
رموا بالمظاهر وأكتفوا بالثقة جلباب=
تجدهم معك من حين تتغير الأحوال=
بعيدين عنك وعند وقت اللزوم قراب=
يضحون بالأرواح والجاه قبل المال=
لوقفاتهم تأثير كـ البلسم المنساب=
لهم روس مرفوعه تشابه علو جبال=
ولايخضعون إلا لوجه الله الوهاب=
مع ربعهم يوفون بالشور والمكيال=
رجال المواقف ماتغيبهم الأسباب=
فكم يسترون أيتام كم يسعفون أطفال=
وكم ينقذوا مرضى وكم يعتقون رقاب=
سياج القبيلة والثناء لأجلهم ينهال=
مثل مايهل المزن للبيد وأحيا أعشاب=
وإذا غيرهم يوصد على مجلسه باقفال=
لهم مجلسٍ معمور ماينقفل له باب=
هنا للمعالي فكر فذ ورحابة بال=
هنا للتواضع منهجيه وحفظ القاب=
مواقيف أبو سلطان في كل حين وجال=
سعود الرفيق وذخر الأخوان والأصحاب=
نزيه الجناب وشهم وأن قال يعني قال=
يترجم كلامه فعل حتى تهون صعاب=
عليه إبتسامه من ضياها تقول هلال=
بشوش المحيا ما أعتقد يختفي له ناب=
وإذا عودت عند الحميا وشد حبال=
وجار الزمن والناس صارت كتل وأحزاب=
هنا للحمية والوفاء الصدق ضرب مثال=
هنا للشهامة والمرؤة شموخ هضاب=
وقف عبدالرحمن الكناني عريب الخال=
وسد اللزوم وبالنواميس عز أشناب=
حميد السجايا صادق الفعل والأقوال=
نزيه النوايا عاطر الذكر ماينعاب=
يقولون فعله فعل حاتم كريم سبال=
وهم صادقين ولا حسب للحياة حساب=
على كل طيب أبناء مشبب لهم منوال=
صقور الهدد لا والله الا فعول أذياب=
رجالٍ لهم مبدأ ومنهج وطيب أمآل=
لجبر الصفوف ورصها . علم الغِيّاب=
سجلاتهم تزخر ويربى عليها أجيال=
مثل شجرةٍ منها جنينا مالذ وطاب=
بنوا مجد في بعد السحب مستحيل يطال=
جذوره في أعماق الثرى والرجال كتاب=
بنوا مجد ماهو بالتفاخر ولا بالمال=
ولا بالتظاهر لأجل مايحصدون القاب=
بنوا مجدهم بالمرجله والحياة أهوال=
وصانوه صون العين بالرمش والأهداب=
هنا طيب سيره وإعتزاز وشموخ رجال=
هنا فخر للأخوان والأهل والأصحاب=
هنا بيت عز وللمراجل عرين أشبال=
عريبين منشأ مثل أبوهم عريب أنساب=
سلامي على أهل القول والفعل لا الأشكال=
عليهم يساق المدح من خمسمية باب=

المشاركة الأصلية كتبت بواسطة أبونواف النماصي وفقت أبا طلال

المشاركة الأصلية كتبت بواسطة ابو رعد الأزدي صح لسان شاعر بني شهر شاعر العرضة القدير علي السالمي وبيض الله وجهه وما هي غريبة على علي السالمي هذا الأبداع لاهنت اخونا القدير ابو طلال

المشاركة الأصلية كتبت بواسطة بني مشهور1 بارك الله فيك ابوطلال ع النقل المميز وبارك الله في شاعر بني شهر العملاق فهذه القصيده تعبر عن قدرة الشاعر عن التعبير واعطاء الصوره بالكلمه لشخص ليس بالغريب على قبيلته فهو علم في راسه نار و علم من اعلام بني شهر بارك الله في ناقلها ابو طلال و بارك الله في قائلها ابو نواف