|
قصيده رووووعه خياااال لاتفوتكم
هذي قصيده عجبتني حييل
وحبيت أساهم بها
إنشالله تنال إعجابكم
على الموعد بــــ ( لهـــفه ) جيت لامانع ولا تأخير
لفيت من العصر هايم مع إن الموعد المغرب!!!
وجتني بس مدري ليـــه شعرت الجيه هذي غير...؟
وهي تقرب من عيوني شعرت إن الممات أقــــــــــرب
وقلت: الله يهونها عسى في جيتك لي خير
أنا من شفتك أقبلتي وأنا خايف ومستغـــرب
على كثر الحكي مدري .. كأنه خانها التعبير
وقالت لي جمل وأشياء لاتكتب ولا تعـــرب
هدت فجأه تطالعني وأنا في حاجة التفسير
لجل نحكي بهدوء أكثر سألت : الحلوه وش تشرب.؟
فصاحت بي أنا أحبــــــــــك ولك في هالحشا تقدير
وتدري إن المثل فينا وفي إحساسنا يضرب
وكنت إنت الوفي وإنت البرئ من تهمة التقصير
ولكن ذي عوايدهم من أيــــام وزمن يثـــرب
تكون البنت لإبن العم ورغبات الكبار تصير
وتدري الأقربون أولى.. ..مع إنك للخفوق أقرب
وتدري للقدر كلمه ... ولعادات الاهل تـــأثير
لذا أرجووووووك تتركني وأنا من واقعك بهرب
شعرت بحكيها كنه قصاص وأمر بالتعـــزير
وشعرت الدنيا ضاقت بي من المشرق إلى المغرب
مشت خلت وراها طفــــــــــل .. .. مايدرك وش التدبير
يحسب إن الغرام أبيات شعر وأغنية مطـــرب
ضحكت وما قدرت إني ألاااااااقي لضحكتي تبرير
من اللي بوقتنا مره ضحك من لدغة العـــقرب!!؟
رفضت أستوعب اللي صار ولا إستسلمت للتغيير
ثمان سنين أجي نفس المكان بساعة المغـــرب
برغم إن الثمان سنين جــــــــــرح وكلفتــني كثيييييييييير
أنا .. لليوم .. أجي .. أدعي ... تجي يارب ... تجي يارب....
|
مشاركة بواسطة:
رد: قصيده رووووعه خياااال لاتفوتكم
العرض العادي
