بسم الله الرحمن الرحيم
السلام عليكم ورحمة الله وبركاته
إلى سعادة الشاعرالكبير الأستاذ عبد الله بن علي الطنيني الشهري ، اهدي هذه القصيدة ، بمناسبة اصدار ديوانك الثاني أناشيد المجد
والذي شرفني أن قرأته ، واطلعت على محتوياته الجزلة ومعانيه الراقية ، وفنونه المتعدّدة في أغراض مختلفة تحاكي تراثنا الشعبي
وتحفظه للأجيال القادمة ، فجزاك الله عنا خير الجزاء
.
أخوك المخلص ، الشاعر : سعيد بن شافي الشهري (صمخ) في 5/9/1427هـ
هلا مرحبا مليون في ثارهـا مليـون=بديوان شيـخٍ قـال جـزل المقـالاتِ
نظم به مقاريعٍ علـى صيغـةٍ وفنـون=وفي نظمها تشمـل جميـع المجـالاتِ
وانا اعتزّ يومٍ يشتهـر بيننـا دنـدون=من اهل الوفا واالطيب والمدح بالـذّاتِ
بني عمنا الّي لابـدا لازمـي يبـدون=طوال الشّبور وفوق مدحي وهقواتـي
وشروى الطنيني ماقفه وافي مضمـون=يقول الصواب وما يجـي بالخطيـاتِ
لسان القبيلة سيفها الشاعر المـوزون=حكيـم غيـورٌ يرتـكـي للمهـمـاتِ
كما سيف هندٍ في نحور العدا مسنـون=وهـو معنـزٍ لربوعنـا والقـرابـاتِ
على منهجك وعزومك الجيدّة يوفـون=تشرف بهم روس الجبـال المنيفـاتِ
عسى الله يطوّل عمر من يعرف القانون=ومنصا العلـوم الساميـة والرفيعـاتِ
ترى المجد لاهل المجد بافعالهم يطرون=تواريخهم فـي الباديـة والحضـاراتِ
وحنا بني شهر الوفا والعرب يـدرون=إلى ثارت الهيجا نجي جمـع واشتـاتِ
ومن غير نقص في القبايل ولا يْهانون=وكـل علـى فعلـه دليـل اوعلامـاتِ
ندوس العدا وابليس في حفرته محزون=ايلا قد لفينا غيّب ابليـس مـا ياتـي
وتشهد لنا الردات في ريع بن لعبـون=على شان اخو هملة قطعنا المسافـاتِ
كما تشهد الصولات ياوادي الحاجـون=نهار المصيّح فـي سبـاع الغـزاواتِ
وغيره وغيره يـوم فرساننـا يزفـون=مـع كـل حــدبٍ للمناعـيـر ردّاتِ
على االمدح والعادات لبطال يستثنـون=ويشهد بها الله فوق سبـع السمـاواتِ
نهار الحمايا حدنـا شامـخٍ مصيـون=رسمنا عليـه اختومنـا والبصامـاتِ
وحن عزوةٍ للمنتخي ساعـده والعـون=ايلا قـال عبـد الله جيشـي وقواتـي
جنود الوطن وارواحنا للوطن بتهـون=سلاح الوطن والجيش في جمع لوقاتِ
سيوف لبومتعب وحنا العصا والشـون=من اقصى الجنوب ايلا حدود القريـاتِ
ويسلم لنا سلطان يالنايـب المامـون=ولي العَهَـد للجيـش عـلاّ المقامـاتِ
على منهج اسلاف وبسلوبهم يمشـون=بنهـجٍ سليـم وبالشريعـة وقـدواتِ
عسى الله يعز الدين وملوكنـا يحيـون=يطوّل بعمـر الحـي ويثيـب لمـواتِ
واصلي على سيد البشر واجب اتصلون=عليه افضل التسليم وافضل صلاواتـي
وهذا ردّي مع التحيـّة والتقدير ، للشاعر الكبير / سعيد بن شافي الشهري
(تنومة بني شهر) في 25/9/1427هـ
الا ياالله انا اطلبك يا مـن تديـر الكـون=رجينـاك تغفـر لـي ذنوبـي وزلاتــي
ايلا اصبحت بعد الموت تحت الثرى مدفون=رهين الحساب وضـاع حيلـي وقوّاتـي
رجيناك ياربـي فنعـم السنـد والعـون=تثبّـت لـي المنطـوق واقـول وآفاتـي
ومنـي سـلام الله مليـون فـي مليـون=على الوافي اللي جـاد وارسـل بلبيـاتِ
من العابسي شعرٍ حوى غالي المضمـون=رفيقـي وتربطـنـا قــويّ العـلاقـاتِ
فيا مرسلي لاهـل الوفـا بلّـغ المكنـون=مـن الخافـق الصافـي وبلّـغ تحيّاتـي
لقيدوم ربعٍ فـي نهـار الطلـب يعـدون=إيلا اشتبّت النيران فـي برقهـا العاتـي
إذا غليت الطّالات فـي سوقهـا يشـرون=ويأبـون تحـت الـذلّ عيـش الملـذّاتِ
لردّي علـى القيفـان متشـرّفٍ ممنـون=على ابيات بـن شافـي ردودي وشلاّتـي
على الشاعر اللي نظّم القافيـة ولحـون=عسى ما عليـه اتهـل عينـي بعبراتـي
نسابق مع اهل الجود ما نقتصر من دون=وسِلـم النشامـا نرصـده فـي ملفاتـي
ولجواد نكسبهم إيـلا احتجتهـم يبـدون=رصيد الشرف ماهـو رصيـد الريـالاتِ
فلي عزوةٍ لاقلـت يـا عزوتـي تكفـون=يجلُّـون عنّـي كُبـر همّـي وضيقاتـي
صلاب المشورة ما يهابـون لـو يفنـون=نـداوي بطرياهـم غليـلـي وعـلاّتـي
فلا لي في الدنيا يكـن رزقـي المسنـون=ونقْفـي ولا يبقـى يكـن ذِكْـر وقفاتـي
فكم طامعٍ حبله بلـون الـردى مدهـون=ولافــاد مــدح وْلا تهـنـا بـلـذّاتِ
بدنيـاً قصيـرة يقتـرب كافهـا والنـون=يسـارع فناهـا بيـن روحـة وجيـاتِ
عروس تزخرف لي وشيطانهـا ملعـون=أكـاد اتّبـع نزواتهـا بعـض حـزّاتـي
ولا يآمن الدنيـا يكـن خاسـرٍ مفتـون=إيـلا ضحّكـت يـومٍ فيـومٍ منـاحـاتِ
ضعاف النفوس الّي على كسبها يسعـون=فـلا سعدهـا مقبـل ولا حزنهـا فـاتِ
أحب السديد الّي عليـه العـرب يثنـون=وله في مجال الطيـب صولـة وجـولاتِ
شديد البخَتْ يبنـي مـع سـادةٍ يبنـون=معانـي الرجولـة والعـزوم القـويّـاتِ
رجال الحمايا من وزا بارضهـم مأمـون=لهـم هيبـة غطّـت وسيـع المساحـاتِ
وبانشر دواوينـي علـى عالـم يقـرون=علـوم النشامـا فـي جميـل العبـاراتِ
واصلي واسلم عنّبـي الهـادي المأمـون=نذيـر البشـر جانـا بخيـر الرسـالاتِ
حقوقنا محفوظة حفظكم الله
وســلامــتــكــم ياكرام
مشاركة بواسطة:
رد: (هلا مليون) للشاعر سعيد بن شافي ، وردّي عليه
ــه ~ 
العرض العادي
