ياالله إللي ماارجي إلاأنت ياخير (إ) معبود
ياعظيم المُلك يامحيي العظم الرميم
ياجزيل المَدْ والفضل يااجود من يجود
ياكريم المَن يامغني الكف العديم
ياعليم السِر في غُبة أعماق السدود
يامهِل الفجر يامجلي الليل العتيم
ياالله أكتب لي على طاعتك عون وصمود
وثَبِت اعمالي على الحق والشرع القويم
عِزني بالدين مادِمت حي ٍ فالوجود
وإهدني بهدايتك للصراط المستقيم
مالي إلا رحمتك يارحيم وياودود
ومارجيت إلا انت والعفو عفوك ياكريم
مذنب ٍ يارب والذنب ماني لَه جحود
وأنت رب ٍ تغفر الذنب تواب ٍ رحيم
ياالله إغفر لي ذنوب ٍ جحافلها حشود
وإعف عني وإنجني مِن جهنم والجحيم
وبِثْ باعماقي مخافة عِقابك والوعود
وإكفني مِن وسوسة كل شيطان ٍ رجيم
ياالله إن تجعل لنفسي عن الطمعَه حدود
لا اطمع إلا في ثوابك وجنات النعيم
ياالله إرزقني ورزقك يغانيني وزود
لاتهبْ قلبي ورى زينة الدنيا يهيم
ياالله إقنعني بما اعطيت وإجعلني زَهُود
وإصلِح النيه على الخيروالنهج السليم
وإغنني عن مال مالي على كَسبَه جهود
لاأكسَبه بالظُلم فالظُلم لَه درب ٍ ظليم
ياالله إلبِسني ثياب الستاير والسعود
وإستُر(إ)عيوبي عن الشامت الفَسل اللئيم
ياالله إجعل لي على الطيب والعليا سنود
وإن تقديني على الجِمل والشور الحكيم
ياالله أكتب لي مع اهل الوفاء مكسب وفَود
ولاتحملني مهَمَة عدوا ولاخصيم
ياالله إرفق بي ليا صِرت مابين اللحود
مالي إلارحمتك ياسميع وياعليم
راحل ٍ مالي عليها مقام ولاخلود
العُمر ساعه ولاني بها الدنيا مقيم
فإكفني مِن شر نار ٍ لهايبها وقود
وظِلني مَعْ مِن تظِلَه بجنات النعيم
مشاركة بواسطة:
يارب
مشكوره اختي 
شمس 
العرض العادي
