البعض حظه جمله وين ماراح
والبعض حظه مايعدي ظِلاله
أعوذ بالله ما اشين الحظ لاطاح
صاحبه مجبور ٍ يحاكي خياله
الواقع يقول الرضا راس الارباح
وماخاب من كان الرضا راس ماله
هاذيك نظرة بوي كساب الامداح
الله يجعل جنة الخلد فاله
اللي بطاري ذكره أعتز وارتاح
عزة جنوب المملكه في جباله
لاصار للدنيا مكادير وأفراح
وشفت الزمن تطول وتقصرحباله
طلبت ربي فالهدايه والإصلاح
سبحانه المعبود رب الجلاله
اللي بتدبيره جمع ولف الارواح
وماخاب من يعقد عليه إتكاله
اللي بفضله كابر الهم ينزاح
مالي سوى ربي على كل حاله
ولاكثرت الهقوات والشورمفتاح
ماخذت شوري من عقول الجهاله
ولاهب للرفقه تناسيم ورياح
رافقت من سلمه علوم الرجاله
اللي توشح بالمراجل توشاح
ولا الردي واللاش ماينعناله
وإن ضاق صدري ماتكارهت الامزاح
يكون كرهي في مزوح النذاله
وإن حدني وقتي على ضيق وإشحاح
انخت ركابي عند راع الجماله
ولاعزمت لراعي البخل مسراح
الله يحرم حاجتي عن رياله
وإن قدر الله وإن تغانيت ياصاح
فهذابفضل الله وشكري جَزاله
أحمده واستغفره ماهل الاصباح
وماكبر المسلم وهلل رِضاله
[/QUOTE]
صح لسانك يا صبي عبس
وانت كفو وقصايدك تدل على ان علمك غانم
تحيّتي يا سيفنا المسلول
..
..
مشاركة بواسطة:
هاذيك نظرة بوي كساب الأمداح
العرض العادي
