يالله ياخالق السبع السموات وارفع سمكها=دلـّني واغرس المعروف واجنى ثمارٍ من ثماره
واسقي الغرس باحلى المشرب اللي به الدنيا زهور=ياسلامي عليكم من لسانٍ صدوقُ وقلب شاعر
ياسلامٍ عدد ما يلفظ الهرج من كل آدمي=ياهل فرشاط من بللحمر المنع فيكم والصلابة
ربع ناصر وبن عامر شيوخ البلد وحصونها=يارجالٍ تحافظ عــَ العوايد وتكسيها الكرامة
يوم كلٍّ على المذهب شريفٍ وفي الديرة ولي=ما تضيع الشيم ماداموا امثالكم يشرونها

الحصون المنيعة ماتهزّ المدافع دمكها=والله ما دون يا صهيون تشكي الندم عن كل غارة
من سلم مرّةٍ مآظن يسلم على طول الدهور=قدسنا قدسنا تفديه لرواح منا والمشاعر
والله ماينحسب دون الوطن كثر مال وْلا دمي=سيف لسلام مرفوعٍ له النصر دايم والغلابة
في رقاب العدا مهما تعدون ماتحصونها=ربنا قد وعدنا النصر مافيه شكٍّ في كلامه
والقرآن المنزّل فيه دستورنا والمنهلِ=فالعنوا دولة اسرائيل ثم العنوا شارونها

يعطيك العافيه والله يقويك
وان شاء الله نشوف منك المزيدالمزيد

المشاركة الأصلية كتبت بواسطة ..ابوقبس.. سلمت ولا ندمت حياك الله وبياك والشر لاجانا ولا جاك بيض الله وجهك على القصيد والجزله ما تجي الا من جزل

***********************************
أبو قبس المحترم :

الله يسلمك ويبقيك ، ويحفظك من كل مكروه

أشكرك ياعزيزي

المشاركة الأصلية كتبت بواسطة رااانيا يعطيك العافيه والله يقويك وان شاء الله نشوف منك المزيدالمزيد

********************************
الأخت الفاضلة : رااانيا

عافاك الله وسلمك ، والتزم فينا وفيك

شكرا لك ، وأبشري بالمزيد ، بإذن الله