رابط آخر
http://www.balasmeer.com/1015.mp3

يالله يا خالق الدنيا وعالمها=يا من تلوذ البشر بإسمك ورحمـانـي
اجزلت لـلخلق بأفضالك وراحمها=واسقيت طور الحجاز بعذب الامزانـي
تدلني للقدى عن لوم لايمها=ولا تجعل المخطيه نهجي وميزاني
اطلبك يا عالم النيّه وفاهمها=تقبل صلاتي وتخزي كل شـيطاني
ثبّت حـروفي عـلى الجزله وداومها=واجعل سمين القـوافي منطق الساني
بيارق المجد والتاريخ حاشـمها=سلام يغشى قبايل تاج الاوطاني
تسليمةٍ تقضي الـحاجه ولازمها=على بني عمي الوافيـن واخواني
دعـوى المهابه رجال الحَجْر زاهمها=ابناء ربيعه وريث الحَجْر تيـجاني
منظومة الازد ما تخفى معالمها=اربع قبايل تنومس كلّ ميداني
من رهو كرّ النقا تبدأ عـواصمها=حتى قرى مـسفره وحدود شهراني
اسلافهم لقمة الشيمه تقاسمها=اخوان وابناء عمومه لي وجيراني
يشهد لهم فاطر الذمّه وصايمها=والله يشهد ويشهد كلّ وجداني
صقرٍ محلّق نظرعينه تهايمها=والبدو والقرو له مـخلب وجنحاني
سفينةٍ بالغلا تبحر طواقمها=العزّ حملاتها والحق رُباني
الدين لله وابن سعود حاكمها=في ظل عبدالله الوافي وسلطاني
حفظو حضاراتها وارسو دعايمها=حتى غدت جوهره بأسواق مـرجاني
في عهدهـم دارنا تضحك مباسمها=واصبح غلاهم يدوج بكلّ شرياني
أبدا بربعي وقيفي في مقادمها=بللسمر اهل الكرم للضيف والعاني
ربع العزاوي ليا حامت حوايمها=هم تاج راسي والأجدل طير حوراني
وبل الثمـيدي صفوفه في محازمها=زاهب لمن غرّته نفسه بعدواني
تاريخهم بان ذكره في ملاحمها=بأعلى النوايف لهم رايه ونيشاني
بانت على خدّة العادي مياسمها=تاريخ بيّن مع حجه وبرهاني
على خطا علقمه تـمشي عزايمها=صاحب رسول الهدى من نسل عدناني
يا من جهل صيتها تابع معاجمها=تروى بحيضانها وتبات ضمياني
والشنفري ابن الاواس ابرز علايمها=اسـطورة الدهر في تاريخ الازماني
اللابة اللي ثمار البُر رزايمها=الله عـطاهــا جليل الملك والشاني
الضيف والجار يـشبع من ولايمها=تلقى العسل عندهم والسمن غدراني
وبني شهر قلعةٍ تفخر بأوادمها=نعم الرفاقه وساع الجال عرباني
جنبيةٍ في العدى ترعى صوارمها=سلاّتها اشبيليه والصبّ دوجاني
العلم والفن والتفكير عالَمها=بستان غرس الشهامه لدن الاغصاني
مثل الرعود القواصف في مرازمها=مـابين تهم وحجاز وبين بدواني
لهم مكانه وهيبه ما يزاحمها=على مكان الزعامه واحدٍ ثاني
الموت للي نوى فكره يصادمها=بحدب الخناجر وحدّ السيف شاماني
في جوّها ما يبان إلا هياثمها=والارض تهتز زلزالٍ وبركاني
الخير تشبث على فعله قواضمها=والعدل يبقى سمة غالين الاثماني
تاريخ الامجاد يقرا في ملازمها=يعرف تواريخها القاصي مع الداني
على صكوك الشرف دمـغات خاتمها=شرح الذرابه عليها اشـكال والواني
وبللحمر الوافيه نذكر مكارمها=حصن الجنوب الحصين ولبس الابداني
ريح الشجاعه ليا هبّت مـواسمها=ما تنطح إلا قروم ونسل شجعاني
مخزون قصر الطلاقه من نعايمها=زوّار بابه مطاريشٍ وضيفاني
الجود والعز مدرج في قوايمها=صبيان بللحمر اليا قيل صبياني
تبقى مزاعم هل الطاله مزاعمها=من زاغ عن ما تريده شاف عزراني
كلٍ يبي عزوة القاله يلايمها=ويسير دربٍ مشت به حمر الاعياني
سيل المراجل وبرّاقه يـداهمها=من مزنةٍ سـاقها هملول وداني
أنبت نبات الوفا من عذب غايمها=واسقى ديار الغلا وبيوت صدقاني
تروى نـحور النشاما من كظايمها=والعد يبقى من الماجوب ملياني
صوت البنادق تماريبه مراسمها=من صنعة الروس والبلجيك والماني
وابني عمر لابةٍ نعرف وسايمها=درع الشمال إن حصل للوقت ميلاني
قبيلةٍ شامخه بيضٍ عمايمها=احفاد عَمر ابن حجر القايد البانـي
يوم الوغى والحمى ماني بظالمها=العزوة اللي لها بقلوبنا شاني
عقد النواميس تشهد به معاصمها=تاريخها للطواحن يوم ما لاني
عادة هل المرت ما تقطع نسايمها=اصغر وليده نهار الشان قوماني
الاتراك ذاقت على ايديهم هزايمها=ما سلم من حاميتهم ريح عثماني
في ساحة الملحمه دُفنت رمايمها=وقدّموها لطير البَر قرباني
ما باقي إلا عـظامٍ من جماجمها=ولاّ رفاتٍ عـليها صلو نيراني
مثل المشاهـيب حاقتهم مراجمها=صبيان عمرين شبّانٍ وشيباني
يـخسر لسانه وكفّه من يهاجمها=يا كم وياكم عـطيبٍ عاد خسراني
يقولها شاعر الموقف وخادمها=والمعذره لو حصل بالعلم نقصاني
يالله عساها تجمّل حرف ناظـمها=قصيدةٍ نظمها من حبر قيفاني
بالله بدينا وبسم الله خواتمها=وصلاة ربي على من دينه ارواني