جاب البنت من الشرقية لتموت على طريق العروبة بالرياض... ياحرام
صحي من الصبح على امل ان يتجه الى مقر عمله وبالفعل ادار محرك سيارته الساعة السابعة صباحا من شمال الرياض متجها عبر طريق الملك فهد باتجاه طريق العروبة داهمه مغص كلوي
حاول ان يتماسك
الطريق مزحوم
كل الناس يبون اعمالهم
يبغى يوصل لاقرب مستشفى او مستوصف
وفجأة مسك فرملة
اصطدمت به سيارة فيها شاب وفتاة
نزل الشاب من سيارته غاضبا ايش فيك ليش مسكت فرملة
يتألم من شدة المغص الكلوي يبغى يقول له انقذني ساعدني مو قادر
المهم نزلت البنت وصاحت وش فيه والله البلشة ما علينا خلنا نروح الناس تجمعوا علينا
قال الشاب مشينا يالا اركبي لاتنسين انا جايين من الشرقيه ومبتلشين!!!!
راحت البنت تبي تركب مرت سيارة مسرعة من اليسار وصدمتها يالطيف!!!
نزل الشاب يصيح سارة ..سارة..سارة ماتت على الفور
توقف الطريق تماما
الشاب ابتلش بالبنت جايبها من الشرقية
علشان تبي تقدم مدري وين الظاهر مخلصة من الثانوية واصلا ما يقرب لها وفازع معها فزعة!!!!!!!!!!!!
هي واحدة ضمن اخواتها الخمس وما عندهم احد غير خالهم ابوها وامها متوفين ............ياحرام
المهم جت الاسعاف وشالت البنت
وهذا صاحب المغص الكلوي يقول لهم انقذوني يا ناس ابي الاسعاف طبعا الحاضرين يحسبون ان سيارته متعطلة والا شي
المهم قال الشاب انقذوا هذا عنده مغص كلوي
ركب في الاسعاف يأن من الام سمع المسعفين يقولوا ماتت البنت
بكى
وصاح
قال لهم من وين البنت
قال المسعف الشاب يقول من الشرقية الله يرحمها
طبعا المسعفين استلموا الجثة ومعها اوراق وبيانات فتشوا فيها وفجأة
تدرون مين طلعت البنت!!!
بنت عم صاحب المغص الكلوي
صاح وقال الله ير حمك يا سارة
ما عرفتك ولا عرفت عمي من زمان راح الشرقية واشتغل في ارامكو ومن وقتها قاطع الديرة واهلها حتى ابوي وعماني مقاطهم..لين مات ومادرينا تزوج في الشرقيةودوبي اعرف انك بنت عمي الله يرحمك المهم
البنت ودوها بعدين الثلاجة
وهذا دخلوه طوارئ في مستشفى الشميسي لانه قريب
والشاب موقف في قسم الشرطة
وبعد ما اخذ مهدئ للمغص الكلوي
خرج واتصل على ابوه يبي يقول له خبر الوفاة
صاح فيه ابوه انت جالس بالرياض وما تدري
قال وش فيه ياابوي
لو تبي تعرف اخبارنا كان سألت
قالو الولد وش فيه عسى خير
ما عندك اخبار القبائل
وربعك
قال وش فيهم
ومن الخوف صدم في عمود الكهرباء
قال ابوه
تابع منتدى بني شهر وانت تعرف القصة الخيالية الي كتبها " محمد حسن الشهري"
تحياتي للجميع
التعديل الأخير تم بواسطة محمد حسن الشهري ; 25-08-2008 الساعة 08:56 PM.
|
منتديات بني شهر
